(18/4) 當日天陰，之前果晚落過雨，所以地下濕濕，冇得去戶外遊樂場放電，於是就決定去依個戶外但有瓦遮頭嘅遊樂場玩。 自疫情重開後，遊樂場採取分時段和派籌制，分上午和下午時段拎籌。 ~上午由11:30a.m.開始登記派籌，派12:00n.n.-12:30p.m.,1:00p.m.-1:30p.m.和2:00p.m.-2:30p.m.嘅時段。 ~下午由2:30p.m.開始登記派籌，派3:00p.m.-3:30p.m.,4:00p.m.-4:30p.m.和5:00p.m.-5:30p.m.嘅時段。 我哋當日上午11時15分左右到達門外拎籌。(當日上午11時30分開始派籌) 已經見到好多人係度排隊~原來每節只限16組(一組包1大1)，職員話我哋拎到嘅機會不大。 但即管睇吓有冇機會，結果好幸運地，我哋攞到2:00p.m.果場。 之後去食個飯，大約1:50p.m.左右返嚟排隊。(其實唔使咁早返嚟排隊，因登記咗一定有得入) 見到隔離排緊下午時段~ 嘩~~~~2:30p.m.先開始登記，但都已經幾多人排緊，仲聽到工作人員話3:00p.m.時段根據排隊人數，已經full 咗。 所以上午時段應該係較少人~~ 其實裡面唔算好多野玩，不過最吸引非這隻一比一嘅大鯨魚莫屬。 丹麥著名兒童遊樂場設計師Ole Barslund Nielsenb設計，1:1比例的藍鯨遊樂場。 小朋友可以走進鯨魚嘅體內，然後再上上層玩個長滑梯。另外，年紀較大嘅小朋友可以從鯨魚身上爬上上層亦可。 另外，遊樂場有氹氹轉、魚形攀爬架、打鼓場和搖搖架。仲有一個長頸鹿造型嘅小滑梯，但係當日被封住。 溫馨提示:   ~滑梯雖然長，但唔係好滑，溜得好慢。所以家長最好企係滑梯位看著小朋友溜滑梯，提示小朋友等下一個小朋友溜完才開始溜，以免撞到其他小朋友。 ~由於鯨魚肚内黑忟忟，而且外面未必能看清楚裡面上去嘅情況。如果小朋友年紀較小，家長可能要跟實。 由於有人數限制，所以每節也不算多人，而且每節完結後，有半小時清潔時間，所以都玩得安心。 ~鯨魚花園~ 地址: 愉景新城 L1 網址: https://www.dpark.com.hk/tc/   最近仲有一推商場活動: https://www.dpark.com.hk/tc/events   我哋當日都有經過高山老街食の祭，古色古香的高山街屋第重現係眼前，大約有十間日式小吃攤，售賣日本特色美食，包括高山名物飛驒牛、日本酒雪糕、炭烤串燒小食、關東煮、玉子燒等等。 見到有幾特別嘅紅茶梅酒售賣，其他食物亦都吸引。 不過要解決買完係邊度除口罩食嘅問題。或者要買外賣返屋企食。 多謝您的讚好，不論文章或是專頁，作為一點動力，非常感謝您。 歡迎讚好專頁得到更多免費資訊 更快緊貼我們的最近動態 ~Facebook page: https://www.facebook.com/Miss.swanswan ~Instagram: (更多孖寶和孖媽的生活趣事) https://www.instagram.com/little_twin_stars82   唔好錯過以下文章啊 其他創作文章(包括40+個好去處): https://www.facebook.com/Miss.swanswan/posts/341412797292614 #親子活動 #親子好去處 #hkmummyblogger #親子博客 #落雨好去處 #放電好去處 #免費遊樂場 #放電 #下雨天 #媽媽日常 #媽媽日記 #親子日常 #HKMAMA #hkkids #kidslife #育兒日記 #育兒日常 #香港媽媽 #龍鳳胎 #littletwinstars #雙胞胎 #免費入場 #雨天首選