【  安妮媽媽親子教室。手掌花花母親節心意卡 】 弟弟第二個母親節，今年送俾嫲嫲和婆婆的母親節禮物當然要有弟弟份啦！諗左好耐點樣可以令弟弟一齊參與呢個創作，哥哥話想送花花，咁就整張花花的心意卡啦！ 用水彩幫兩兄弟印手掌，弟弟對顏料非常好奇，有少少怕但又要試。 哥哥就可以自己為手掌上色，印出嚟的手掌仔太得意喇，細細隻，估唔到用手掌嚟整花花的效果都幾特別呢～～   兩幅作品完成後，我先發現唔記得叫Aidan整我果張，唯有寄望幼稚園會教哥哥整母親節禮物啦！ ==========================   創作過程: - 用水彩為小朋友印手掌 - 手掌的顏料乾透後就可以沿邊邊剪出嚟，留有小小白邊會比較美觀。   - 在花盆上寫上祝福字句 - 用Marker和蠟筆畫樹葉並剪出來 - 用膠水把手掌，樹葉，花盆等貼在色紙上 - 用Marker在背景位置畫圖案作點綴 - 最後貼上彩麗皮貼紙   安妮媽媽溫馨提示: -可以預先印定小朋友的手掌或腳板，想快d乾可以用風筒吹乾。 -花盆的設計可以依據小朋友的喜好去創作 ==========================   希望大家喜歡今次的親子創作分享啦。 材料: 水彩，蠟筆，白畫紙，色紙，剪刀 膠水，彩麗皮貼紙，Marker ————————————— 歡迎連絡安妮媽媽： Facebook專頁： 安妮媽媽親子日記 IG: @Annie_mama_diary | 安妮媽媽親子日記 E-mail : AnnieMamaDiary@gmail.com