究竟買蒸汽消毒機就已經足夠？定係有埋烘乾功能好？ 懶媽就好肯定答你：「梗係要消毒烘乾機好啦！」，消毒完即刻烘乾埋，收藏嘅時候好方便，唔怕有水漬！ 所以今胎妹妹，我就揀咗「NUK嘅2合1蒸汽消毒烘乾機」，可以選擇單獨快速10分鐘蒸氣消毒，或者35分鐘烘乾，同一次過45分鐘蒸汽消毒＋烘乾！蒸氣消毒用法比較溫和，唔需要用到化學劑，而蒸氣亦都可以殺死99.99%嘅有害細菌！ NUK嘅2合1蒸汽消毒烘乾機機身透明設計，可以清楚睇到裏面，有6支桿，全部都可以拆卸，一來方便清潔，二來更加可以拆卸調整擺法，容納更多大型嘅物品，例如奶泵嘅軟膠配件，BB嘅餐具碗碟又得！電子開關版面操作簡單，一鍵開關，備有顯示燈，同埋自動關閉安全設計，程序完成之後，仲會自動關機，好方便！下層擺奶樽，上層擺奶咀，上層空間夠大，隔層中洞口大，蒸氣更容易貫穿整個消毒機！用NUK烘乾機D奶樽全部乾晒，唔駛抹之餘，又唔駛擔心有滋生細菌呢! 懶媽小貼士： 消毒機個發熱底盤，好多時都會有啲水垢！其實只要倒水嘅時候，唔係用水喉水，用蒸餾水，水垢嘅情況就會減少。如果想清潔水垢，可以用1:10嘅醋：水浸幾分鐘，就可以簡單清走水垢。 囡囡喺醫院飲水奶嘅時候，都係用NUK嘅奶嘴，所以返到嚟屋企，我都專登買返同一品牌嘅闊口奶嘴比囡囡，等佢容易啲適應。呢款奶嘴比較容易啜奶，加上佢獨特嘅形狀，可以防止齒列不正, 有助BB口腔健康嘅發展，再配合佢呢個防脹氣嘅自動進氣系統，就可以減少BB飲奶嘅時候入風，減低BB肚痛嘅機會，加上PPSU物料瓶身，德國製造，又有好可愛嘅動物圖案造型，每次見到都覺得好靚，好可愛，好襯囡囡！ 懶媽見到好多 NUK 嘅嬰幼兒用品套裝好抵，所以一次過執埋電動奶泵、乳墊(高度推介)、暖奶器、安撫奶咀、口腔清潔棉等，遲啲再同大家分享用後感！ #NUK #蒸汽消毒烘乾機 #PPSU奶瓶 #奶樽  #親子blogger #hkblogger #全職媽媽  #懷孕媽媽 #親子日記 #hkmama #hkbaby #igkids #hkkids  #懶媽親子育兒記 #hkmamablogger #mamablogger #mamababy #二寶媽媽 #親子育兒 懶媽親子育兒記 IG: https://www.instagram.com/lazymablog FB: https://www.facebook.com/lazymablog Blog: https://mamibuy.com.hk/home/19241 YouTube : https://www.youtube.com/channel/UCySr_iwfT-OTjvnn-5JAq4g