黃金般的珍貴初乳 早產媽媽接受咗bb要訓箱，無得出院的事實後，喊完之後就要企番起身，陪bb一齊打仗 媽媽唯一可以做，而又實際幫到BB 的 就係為早B提供人奶，特別係最早期的黃金初乳，係有黃金都買唔到咁珍貴 黃金初乳，隨咗佢係金黃色之外，最重要係佢係由奇妙的人體跟據bb的需求而度身訂造出嚟，擁有最適合Bb的營養同抗體，最容易被bb吸收同消化，對早產bb嚟講係最好的補品，就好似送咗一個天然防護膜俾早b Bb飲到黃金初乳，豆沙媽媽覺得就好似打機，瑪利奧食咗星星咁，變到好勁，咩都唔怕 頭一兩日就算豆沙唔食得奶，護士都會用棉花棒濕下蘸小小初乳濕下佢個口仔，等佢吸收下 最初 啲 初乳真係得好少，但叫得黃金就緊係代表稀少架啦，可能擠成兩個鐘先得1-2ml， 頸又痛，手又痛，傷口又痛，但就算得0.5-1ml 都已經好好，唔駛俾咁大壓力自己，盡力俾到幾多就幾多，bb會知道係媽媽好辛苦擠出嚟的，就算小小都已經幫到bb好多   關於擠初乳 可以參考之前的blog https://wow.esdlife.com/space.php?uid=27385&do=blog&id=378007   公立醫院好鼓勵餵人奶，有咩人奶問題最好係出院前請教母乳護士，同埋問清楚如果出院之後有問題 可以點樣求助, 好似威院咁，有講明星期幾 咩時間邊到會有母乳護士可以搵到   豆沙媽 好好彩地上奶上得好勁，唔好彩地未出院就已經石頭胸，掂下都痛到痴線 一心諗住自己瘦底唔會有人奶，就算有都唔會多得去邊，餵奶衫bra 乳墊，咩都無準備，豆沙BB就搶閘出世   點知生完第三日上奶，係醫院半夜俾自己啲奶整濕件衫凍醒，起身發覺唔對路，去拎套新病人衫換就冷親，跟住就發冷發熱   個時無乳墊，唯有用m巾頂住先，大家走佬袋記得記得放乳墊   餵人奶小tips 講番正題 Mrs K 生完第四日未出院就石頭胸，痛到唔知點算，母乳姑娘嚟睇我手擠奶擠成點，好好彩個護士好有heart,佢教得好清楚 仲 幫我手按鬆個胸 同幫我擠埋奶,實戰教我手勢點擠先為之正確   泵或手擠前 有痛 唔舒服 可熱敷 如果泵完 仲 紅腫 脹住 太痛 就 冷敷 熱敷 可以用 奶樽裝暖水咁敷 冷敷 可以用室溫玻璃樽 或 氣水 或 室溫或雪凍的綠色生椰菜 所有熱敷冷敷都要避開小蓮 發冷發熱就代表開始發乳線炎，要特別注意 手擠奶出到2-3條奶柱 先好用手泵或電泵 太早用泵會好容易傷到乳線，傷到就麻煩 人奶路漫長,需要一個可靠的拍擋 世衛建議人奶係最適合初生bb的食物，仲建議餵人奶最少餵到半歲,最長餵到兩歲，雖然佢地講緊的係足月出世的BB, 但早產的BB更加需要人奶的天然抗體的保護，幫佢打贏仗   所以對早b媽媽嚟講，要有心理準備，餵人奶將會係一段長時間, 更正半歲係豆沙媽媽俾自己的target   好多媽媽一開始諗住全埋身，奶泵都唔打算買，或者未睇未揀未買，心急BB 就早咗報到, 早產BB 通常都起碼住到夠預產期之後先會有得出院，咁代表BB無咁快埋到身   而bb出世到出院呢段時間，早產媽媽只可以靠奶泵幫手泵奶拎去醫院俾bb, 初初靠手擠仲可以，但慢慢多奶同時間耐咗，手同頸都會好痛，而且好浪費時間   豆沙媽媽成日同豆沙爸爸講個奶泵係豆沙沙的搵食工具，食幾多就靠佢   功慾善其事 必先利其器 , 一個合適的奶泵 同 配件 真係可以事半功倍, 係漫長入面一個可靠的拍擋   買奶泵絕對係第一樣就要做的事   爸爸的支持 - 神隊友 另外，係人奶路上面，其實爸爸唔係無野做的   餵人奶 最重要係勤力同決心，呢兩野係好需要爸爸的支持 下面咁多樣，豆沙爸爸都做過晒，雖然未必日日都做，但己經幫到好多, 絕對係神隊友, 雖然佢間中會神神地   每日都同媽媽講加油 話俾媽媽知bb食咗人奶會健康啲 洗奶泵parts  砌好奶泵parts等媽媽拎起手就有得用 按摩石頭胸 預備熱敷凍敷 煲上奶茶 泵完幫手入奶杯/樽/袋 放好奶杯或奶袋入冰箱 按摩手同頸 送奶去醫院 記錄奶量/奶杯數量 教鬧鐘幫手叫醒媽媽半夜泵奶 希望以上的資料可以幫到早B父母 http://www.facebook.com/vislyip 豆沙的小小page,懶媽媽不定期,但心血來潮就會更新 :P