親子好去處 ~海洋公園新戶外探索景點~ 夏日限定！ 下雨天~不過無阻奶油仔去海洋公園嘅興奮心情！4:00pm入園，第一時間直接行去威威天地嘅新景點—德仔後花園 同 大嘜礦石場 攞籌！呢兩個新戶外的探索站融合自然遊樂同體驗式學習元素，唔使額外收費，2歲幾嘅奶油仔都好啱玩！   「德仔後花園」可以模擬耕種，有啲蔬果玩具、泥同耕種工具俾小朋友玩，仲有真香草~奶油仔玩左5分鐘就走左去...掛住搭小火車！   「大嘜礦石場」就玩左足2節-40分鐘！因為有沙，有礦石同水，小朋友可以用工具去揾寶石 ！   玩完出返去「叢林大細界」，入到去大家好似縮細左咁，啲花花草草、昆蟲同雀鳥都變大哂～本來以為淨係打卡影相，點知原來好好玩，啲草好動L~奶油仔不停穿梭草叢間！   最後去埋園內嘅Ginger Grill食晚餐～奶油仔超鍾意個度嘅串燒！食飽飽完結開心嘅一天！   海洋公園而家仲有新嘅「探索號 R」體驗館（需另收費），下次再去先，因為佢唔係夏日限定，加上而家有「夏日入場證」，可以由而家至9月30日期間任何日子去玩！ 想看看奶油仔的日常趣事，歡迎光臨Facebook Page《奶油阿娘與寶寶》和Follow Instagram《nylemamaandbaby》。