行出一步係glamping , 行入一步係酒店! 今次既staycation真係好正~ 木的地酒店既Glamping之旅時尚套房 我一直都有留意，小火子生日月一於同佢去玩下。 #超寬敞特色房間   入到酒店房，兩父子已經不停嘩左好多次， 因為房間真係好大好靚！ 與其說酒店房間，更有一種度假屋嘅感覺 房入面有大餐枱，浴缸，兩部電視 而且仲有個露台，擺放左帳幕， 小朋友不斷走出走入好興奮～ 餐枱仲好大，用來set生日枱就最岩。 #房中心有大浴缸   小火子對浴缸嘅要求好高， 今次浴缸好特別喺房中間，而且兩個人浸都夠大， 不過酒店附近就係民居，浸浴時記得關上窗簾！！ 同埋浴缸喺廳，如果媽媽想浸， 可能要等小孩瞓咗先得喇～ #Glamping體驗   小露台擺設左一個帳幕， 帳幕都算大，而且我鍾意佢入邊擺左凳， 咁樣會坐得更舒服。 夜晚我哋就喺入邊食宵夜傾吓計， 朝早一起身小火子又出咗去曬太陽， 小小嘅加分位，就會成為旅程嘅特別回憶～   今次個package沒有提供餐飲， 但叫外賣都實在好方便， 不過酒店為環保酒店，所以房內都唔會有餐具， 叫外賣記得記得要餐具！   唯一美中不足就係酒店沒有提供泊車服務， 我哋就泊咗喺童軍總會旁邊，有少少距離啦， 不過整體都好好玩， 如果下次發掘到好地方再同大家分享～   木的地酒店 Madera Hospitality 訂房資訊： https://tinyurl.com/2j4hd73f   謝收看，如果喜歡貓町媽媽的文章或想觀看更多親子玩樂情報， 歡迎到訪貓町媽媽的Facebook專頁: <貓町媽媽 親子 玩樂 扮靚日誌> https://www.facebook.com/catdingmama/   加我IG: catdingmama https://www.instagram.com/catdingmama/?hl=zh-tw  photo credit: https://www.facebook.com/CatdingPhotography   #親子 #宅度假 #Staycation #木的地酒店 #佐敦 #邊玩邊長大 #大手牽小手 #快樂回憶