依牌荃灣愈來愈好玩親子餐廳啦！今次同大家分享既炑八韓烤親子餐廳係愉景新城開幕啦，趁新開張唔係太多人，我同皓皓喬喬搶先體驗放電，優惠時段玩足兩個鐘，一大一小低至$208，包一份兒童套餐同韓服體驗添，價錢計落其實都幾抵玩嫁！ 一入去炑八就見到特大波波池遊玩區，皓皓喬喬即刻除鞋仔入去玩，玩左一輪就著韓服扮靚靚，頭飾同韓服係韓國直送！！喬喬著咗好可愛，皓皓著咗好有型，充滿韓Feellll，全程用餐皓皓喬喬玩咗成個鐘，所以計落都抵玩抵食嫁！ 趁佢哋放電我即刻叫嘢食，今次我哋試咗以下美食，味道份量都ok嫁！ 牛味特濃頂級霜降牛小排 滋味韓國鰻魚半條，厚肉，即燒即食特別好味！   芝士炸雞全份，超級滋味！ 喬喬至like韓國公主蛋包飯城堡，調味一啲都唔重，好啱小朋友食！ 水果忌廉三文治   蘋果香蕉窩夫    水果迷你班戟   小baby粥糊餐 款款賣相都好吸引小朋友目光，味道份量ok，調味唔重，加上係炑八食嘢，小朋友可以邊玩邊等食，爹地媽咪舒服好多，超推薦爹地媽咪去試吓！   優惠時段：星期一至五下午4至6點 小童入場費$108(包一份兒童餐)；成人最低消費$100；以上價錢另收加一 星期六日、公眾假期及平日晚市(7至10點) 小童入場費$158(包一份兒童餐)；成人最低消費$150；以上價錢另收加一 有時帶住細BB出街唔知去邊度好？帶半歲以下BB去炑八可以免費入場，炑八兒童餐有半歲至1歲BB粥糊餐，我食過無咩調味好適合細BB食，加上遊玩區設有細BB專區，所以好啱爹哋媽咪帶小BB嚟齊齊放電！ 炑八每個周末都有體驗工作坊，加上親子烘焙工作坊，可以同小朋友享受親子烘焙樂，再放電嘆美食一次做曬！提提大家去炑八之前記得提前預位呀！ 炑八韓烤親子餐廳(荃灣)：荃灣愉景新城Dpark 1樓1009A&B號舖 荃灣炑八韓烤親子餐廳訂位電話：26182289 ===================== 同你齊齊分享懶人食譜及育兒放電好去處！ like及搶先看我哋專頁！皓喬媽咪 追蹤IG！ethan.evie.daily