今年暑假我哋冇出國旅行，所以留港Staycation度假。 7月太忙...所以安排咗8月去StayCation。 今次終於離開唔去迪士尼樂園酒店，揀咗一個小島風情嘅地方度假。 我哋今次經KKday買咗銀鑛灣渡假酒店 (Silvermine Beach Resort)住宿連食優惠，由於我哋係4人家庭，所以需要額外加購同行兒童費用（3-11歲）。 我哋係揀咗「Silvermine Beach Resort - 標準雙人房+ 雙人晚餐連早餐 (西式晚餐、中式晚餐、自助燒烤) ＋ 自選活動」，2人$1,045，另外加購兩個女嘅費用總共$484。所以今次旅費為$1,529，其實都好抵，因為包早、晚2餐。 酒店訂購優惠傳送門>> https://www.kkday.com/zh-hk/product/101133-silvermine-beach-resort-staycation-package?cid=14923 不過呢個地方，係比較唔方便，因為銀礦灣係位於梅窩。 所以需要去中環搭船又或者東涌搭車入去。 文末部份會提及點去梅窩>> 我哋就選擇咗搭渡輪去梅窩，坐普通渡輪(即俗稱大船)。 船程大概50-55分鐘左右就去到，都好舒服同方便。不過，如果怕會暈船浪，就要搭巴士啦。 出發前要記得留意船期表，以免趕唔到船又要呆等~ ^ 船程大概50-55分鐘左右就去到，都好舒服同方便。 而落船後大概行7分鐘就去到酒店啦~ 去到酒店第一件事就係Check in先，Check In時間下午3時，Check Out時間為曜日上午11時。 簡單登記，就可以拎到房咭，馬上入房放低行李了~ 房間唔算好大，不過都好舒服，有家嘅感覺。 提供嘅個人衛生用品方面 (牙刷套裝) 只有成人用的，如果帶小朋友去的話，就建議自行準備了。 酒店用拖鞋都一樣，只有成人碼。 酒店內設有泳池，有大人池及兒童池。 同時留意，酒店泳池開放時間 (如有變更，一切以酒店資料為準) 分享一下酒店設施， 戶外設施: 小公園、打卡位 室內設施: 兒童遊戲室、康樂室 (部份係需付費) 大家都會發現點解有啲係官方圖呢? 由於我哋只玩2日1夜，再加上我哋預到剛剛3時左右Check In，所以我哋係玩唔晒所有設施。 因為咁我哋都計劃會再嚟玩，下次我諗會玩3日2夜了! 呢到最方便就係離開酒店，行去對面就係沙灘! 超級方便，玩完直接返返酒店沖涼都得~ 超級好天，藍天與白雲!! 人生應該就係要咁樣! 爽呀!! 分享一下酒店提供的餐飲，第一晚的晚餐; 我哋總共有4份餐，可以揀中或西餐。 當日一到晚上6時，我哋就去餐廳食飯。 所以座位很多，仲可以揀窗邊位，睇住日落同海景食晚餐。 餐湯南瓜忌廉湯及法式洋蔥湯。 前菜芒果蟹柳沙律 主菜: 板燒豬扒配燒汁 主菜: 燒羊扒配香汁 主菜: 蜂蜜蘋果烤雞 主菜: 西冷牛扒配黑椒汁 甜品: 木糠布甸 曜日早餐，都係酒店package已包嘅部份。如果散客的話，一個餐要$98 (及加一服務費) 早餐可選中式、西式及湯通粉餐。 飲品及麵包自助型式 份量超大，中式有一個炒麵、燒賣兩粒、粉果兩個及粟米粥。 西式都豐富，係All day breakfast，仲有生果。 另外就係湯通粉餐配炒滑蛋，份量都係超級大! 銀礦灣酒店讓我哋可以好方便就腳咁，一次過玩晒泳池、沙灘。 仲有小島度假嘅感覺，真係好relax呀! 酒店訂購優惠傳送門>> https://www.kkday.com/zh-hk/product/101133-silvermine-beach-resort-staycation-package?cid=14923 前往梅窩: 1) 乘搭渡輪 (中環5號碼頭乘搭) <航行時間> 普通渡輪 : 約50 - 55分鐘 高速船 : 約35 - 40分鐘 以下為官方網站截圖，以下面連結的資料為準確。 https://www.silvermineresort.com/ferry_schedule/tc 2) 巴士 (東涌巴士總站乘搭3M) 全程行車時間約為 43 分鐘 確實班次，請瀏覽以下網址。 https://www.nlb.com.hk/route/detail/6 3) 大嶼山的士 【銀礦灣酒店】 https://www.silvermineresort.com/ ============================ 記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.instagram.com/wagyubmami/ ============================ 和牛B & 和牛媽媽 YouTube Channel https://www.youtube.com/c/Wagyubmami ============================ 快啲加入，和牛媽媽吃喝玩樂whatsapp群! https://chat.whatsapp.com/FnjFwLAyrGW8s4BWpBOYpv 記得加入和牛媽媽最新嘅玩樂分享Group，大家仲可以一齊分享好玩、上興趣班好介紹哦~ https://www.facebook.com/groups/145854551755966
