中秋節就快到，你買了邊款月餅應節？月餅賣相和味道都好吸引，但要小心糖分、脂肪和熱量超標。衛生署統計指出，一個雙黃蓮蓉月餅的熱量，等於吃了3.5碗白飯，多過好多人一日的飯量！各款月餅邊款卡路里最勁？ 傳統月餅SIZE較大，餡料和餅皮都要加糖加油搓，加埋粒蛋黃，熱量、糖份和油份可想而知，多吃確無益。五仁月餅又如何？雖然無加蓮蓉蛋黃等餡料，但材料如糖蓮子、糖冬瓜和金華火腿，其實糖份油份也不少。至於新派月餅呢？冰皮月餅雖然無加蛋黃，但係朱古力、果醬和芝士等餡料，糖份也不能睇小！   月餅睇落好邪惡，但一家人坐埋過節，又好難忍口一啖都唔食。買月餅要識揀，以陳皮紅豆沙月餅為例，加了陳皮可以健脾消滯，細滑紅豆沙也容易入口，減少油膩。 此外，月餅切勿當正餐，也要好好控制每次食用的份量。以雙黃蓮蓉月餅為例，營養師建議大家每次不吃多過1/8個月餅*；即使是冰皮月餅脂肪含量較低，仍需注意熱量。為免吸收過多熱量，食月餅時不宜配以汽水、果汁等高糖飲品，配以清茶和水較健康。   *資料來源：衛生防護中心