2023年將過，你有冇為身體出張「成績表」？又想趕及索收驗身收據？年尾做body check好多體檢中心/私家醫院full booking，如何更易book到心水體檢中心驗身？以下幾個點都值得參考： 連鎖體檢中心 要識揀分店 卓x、美x、時x醫療等連鎖體檢中心，全港各區都設有分店。下下揀旺區、市中心分店，分分鐘排到出年先有得check，所以識揀分店好重要。以美x為例，估唔到佐敦分店11月、12月仲有好多日期和時段可以預約。 如你住在新界區，不妨「北望」上水、元朗。上水廣場是體檢中心集中地，時x醫療尖沙咀店排到2024先做到的體檢套餐，上水廣場店11月中打後就有得做。雖然地方遠一點，以結果為目標的話，大西北不失為好選擇。 而卓x有十幾廿間分店的體檢中心，地點和時間選擇更靈活，不過要留意，部份分店專做某類檢查(例如中醫、牙科和物理治療)，或者預約不到你想做的檢查。   私院旗下體檢中心 同樣有醫院級質素 如你心儀去私家醫院驗身，可以試下醫院旗下的體檢中心/日間醫療中心，例如仁安旗下有仁安體檢中心(尖沙咁中間道)、浸會醫院旗下有浸信會醫院日間醫療中心(牛頭角)、港安醫院在銅鑼灣和太古坊都有醫療中心。   即使是體檢中心，醫療器材(如3D乳房X光、磁力共振掃描)都不輸醫院。有些body check仲係由普通科醫生負責驗身和講解報告，質素有保證。   驗血(Blood test)較易有期 無期驗身好多時係因為超聲波full左，以至驗血、驗大小便、心電圖等基本檢查都做唔到，因此有些體檢中心設計無超聲波，只做血液、大小便檢查和心電圖的體檢套餐。別以為驗血好簡單，其實已經驗到癌症指標、心臟病風險、三高、肝腎甲狀腺功能、甲乙丙型肝炎等問題。   醫生建30-40歲人士，每2年做1次超聲波檢查，如你去年已做過包括超聲波的身體檢查，或者今年已照過單項ultrasound，blood test或者是年尾驗身另一條出路。   今時今日預約驗身，也不一定逐間打電話去問，有些網上平台集合多間體檢中心各類型檢查，一個website、一個Apps都可以睇晒各類型驗身plan，所以識揀體檢平台都好重要： price.com 網站聲稱體檢價錢平過官網，分稱全面/男士/女士檢查、基因測試和疫苗等方便搜尋   hktvmall 平至幾百蚊的體檢套餐都有   health.ESDlife 超過60間體檢中心/醫院，提供700+身體檢查計劃，按全面/男士/女士，到長者、STD、婚前、生育檢查分類，仲會有優惠碼及體檢禮品(Apple gift card、超市coupon、dyson家電等)，較易了解身體檢查邊間好。