今次分享嘅深圳東莞攻略係關於《觀瀾湖》度假區。 我哋今次係第二次再來到觀瀾湖酒店，對上已經係講梗五年前啦!! 當時，我哋係去深圳觀瀾湖酒店同周邊園區玩，體驗好好，所以今次嚟到東莞觀瀾湖酒店!     呢到係意想不到咁好玩，仲超多嘢玩!! 今次淨係喺酒店都有排玩，我哋因為太耐冇去旅行。 所以今次住親子主題套房，兩姊妹一入到房，就超級超級興奮啦!!     簡單講下我哋今次去邊到玩先~ 然後下面就會分開數篇，詳細介紹以及點樣嚟觀瀾湖~   首先我哋去咗東莞觀瀾湖酒店、觀瀾湖新城 MH Mall、觀瀾湖卡魯冰雪世界、觀瀾湖生態運動公社、蹦床公園。   睇景點好似好少，但其實係相當精彩，我覺得今次呢個短Trip又係好唔夠喉添呀!! 重點想講一樣嘢就係觀瀾湖新城 MH Mall，入面已經有齊大人小朋友都鍾意嘅活動 (食、玩、娛樂、購物都好齊全)。 觀瀾湖新城 MH Mall有大型Playhouse、戶外遊樂場機動遊戲、溜冰場、戲院等。   至於觀瀾湖生態運動公社入面都超級超級多嘢玩，雖然對上一次去都有入有入去玩，但係我都係未玩晒所有嘢呀!!!   事不而辭，首先先介紹東莞觀瀾湖酒店先~~ **網上套餐預訂及查詢：https://bit.ly/3UULJpA   我哋今次係入住東莞《觀瀾湖》酒店嘅親子主題套房入面，有兒童玩樂設施!! 兩姊妹一入到房，就超級超級興奮啦!!  因為都未曾見過酒店房間入面，有兒童遊樂設施呀!!!         仲有圖書區，玩具積木。     房間有一個洗手間，另外再有衛浴間。 重點係有埋濕蒸，超爽呀!!   ^ 有浴缸、有淋浴間 (及濕蒸)   ^ 獨立洗手間   ^ 超大衣帽間   床方面，有兩張Double Bed、套房有一張King Size床!   ^ King Size床，妹妹話係公主床~(哈) 下一次再嚟，一定要叫埋婆婆嚟玩先得呀!!   而且房間仲有開放式廚房，有微波爐、電磁爐、所需廚具餐具都有，有食材就可以煮食啦。     房間仲有兩個大露台，出面風景係超靚!!     可以睇到高爾夫球場，一片綠色，真係心曠神怡!       我覺得酒店最窩心之處，就係提供非常兒童友善嘅配套。 例如洗手間入面有洗手台專用嘅小櫈(方便踏腳)，上廁所用嘅專用兒童梯。 亦有兒童沖涼液、護膚品等。     除咗房間空間大，又舒服之外。 一定要介紹一下酒店入面嘅設施、玩樂設施!! 有寵物店、彈床遊戲室、兒童遊戲室、迷你(兒童)高爾夫球場、戶外兒童遊樂場、小動物園、3D藝術畫攝影區、室內泳池、打卡區等等。   當日嚟到，我哋先Check in房間，然後再步行到酒店園區附近嘅「秘密花園」嘆Tea。     喺一大片草地上，好Chill咁嘆Tea，都係大概RMB 3XX。 呢個價錢，係包晒食物、飲品、戶外玩具及佈置!!!       打卡真心一流呀!!           仲有打卡樹屋，三百幾蚊可以咁Chill都真係好抵!!       然後，食完Tea玩咗一陣，我哋就返返入去酒店玩，然後再晚餐~   ^ 觀瀾湖星光大道有好多國際巨星、球星嘅掌印。   文章開端都提及到，酒店有好多嘢玩。 動、靜嘅都有，我哋第一次見酒店入面仲有寵物店，遊人係可以入去親親小貓喵。 貓貓好活潑，超可愛呀，而且都好鍾意親近人。       所以兩姊妹都好開心，完全唔捨得走呀!     收費: RMB 68 (配送飲品及寵物零食1包)   另外位於活動中心有《兒童樂園》(即:兒童遊戲室) (付費)，有波波池、滑梯、積木、彈床、娃娃屋、角色扮演服都有~           不過我就覺得，比較適合年幼嘅小朋友玩~ 和牛b已經唔太啱玩了~   收費: 住客RMB38/次，非住客RMB68/次。   活動中心1樓 - 3D攝影區(免費)，雖然係小型嘅3D美術館，場內大概都有6幅左右嘅3D畫，而且拍攝出嚟效果都真係好真!!   開放時間為10:00-22:00   仲有籃球機、電子遊戲機等。     另外，亦設有室內泳池。   仲有一個一定要介紹，就係超級放電嘅《蹦跳樂園》(付費) 即係室內彈床遊戲室呀~ 入面有大型繩網陣、攀爬牆、彈床區等，超夠小朋友放電呀!!                   開放時間: 平日10:00-19:00 週末及節假日08:30-20:30。 收費：客RMB98/天，非住客RMB138/天。 （必須穿著防滑襪才能入內，防滑襪RMB10/雙）   講完室內嘅設施，今次分享酒店戶外設施啦~ 戶外有迷你高爾夫球場，有唔同嘅場地可以俾小朋友挑戰~ 和牛b第一次玩高爾夫球，成功一桿入洞真係好有成功感!!     如果想玩都可以喺活動中心一樓前台租借球桿和球 (RMB98/桿/球，購買時需俾按金RMB50/桿/球，退球桿時會退回按金。) 開放時間是09:00-18:00     亦有好多影相打卡位~~         小動物園區，有豬、孔雀同埋鴨~     仲有小朋友最鍾意嘅戶外兒童遊樂場~       夏季仲會有戶外泳池，由於而家已經係踏入秋冬所以戶外泳池已關閉。   餐飲方面，我哋晚餐都係喺酒店入面《千樹里餐廳》食自助晚餐。     食物選擇都好多，有中、日、韓、泰式等，仲有甜品區、雪糕都有!                           飲品都好多選擇，仲有雞尾酒、啤酒揀。         而第二朝我哋都係喺酒店《千樹里餐廳》食自助早餐。 早餐有基本西式美食、雞蛋、麵包、中式粥品之外，仲有炒麵或中式餸菜等。           酒店篇已完結，下篇會為大家分享玩樂。   交通方面: 從香港到觀瀾湖度假區有幾個建議方法： 1. 港鐵東鐵綫落馬洲站落車，福田口岸過關後，換乘深圳地鐵四號線可直達觀瀾湖站下車， 全程50分鐘車程。出站後（觀瀾湖站B、C出口）於觀瀾湖新城外有園區的免費穿梭巴士 直達觀瀾湖度假酒店。 2. 高鐵西九龍站坐高鐵到深圳北站下車，換乘深圳地鐵四號線可直達觀瀾湖站下車，出站 後（觀瀾湖站B、C出口）於觀瀾湖新城外有園區的免費穿梭巴士直達觀瀾湖度假酒店。    3. 由落馬洲福田口岸或皇崗口岸過關或羅湖口岸過關後，坐的士直達觀瀾湖度假酒店。 (以深圳觀瀾湖酒店為目的地的的士車費大概RMB100-130)    4. 高鐵西九龍站坐高鐵到深圳北站下車，坐的士達觀瀾湖度假酒店。 (以深圳觀瀾湖酒店為目的地的的士車費大概RMB70)    5. 跨境巴士- 灣仔，佐敦，旺角，太子等跨境旅遊大巴，經皇崗口岸過境，皇崗口岸過關 後坐的士直達觀瀾湖酒店。(以深圳觀瀾湖酒店為目的地的的士車費大概RMB100-130)   觀瀾湖親子度假套餐 (2 日 1 夜)資料:  **網上套餐預訂及查詢：https://bit.ly/3UULJpA  人民幣 ¥1,680元起（2成人+1小童）  ‧東莞觀瀾湖度假酒店·高級豪華（山景）客房一晚  ‧兩大一小（小童 1.4 米以下）豪華自助早餐  ‧觀瀾湖自助晚餐一次 或 500 元餐飲現金券  ‧保齡球一小時【位於觀瀾湖新城】  ‧蹦床公園一小時【位於觀瀾湖新城】  ‧高爾夫球練習場體驗【位於深圳】  ‧手藝工場傳統手工藝項目體驗一次（手藝工場項目，十選一）【位於觀瀾湖新城】  ‧週末烹飪課體驗一節，滿員即開課  ‧遊樂暢玩家庭套票    ※ 須受有關條款及細則約束，價格以最終報價為準     #親子度假好去處 #親子度假酒店 #北上廣東邊度好玩 #大灣區親子遊玩好去處 #親子遊 #室內滑雪 #卡丁車 #漂移卡丁車 #gokart 車 #露營下午茶 #大灣區美食 #深圳美食 #觀瀾湖 #深圳觀瀾湖 #東莞觀瀾湖 #感恩節 #聖誕節度假 #聖誕節去邊玩 #merrychristmas       ============================   記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.instagram.com/wagyubmami/ ============================ 和牛B & 和牛媽媽 YouTube Channel  https://www.youtube.com/c/Wagyubmami ============================ 快啲加入，和牛媽媽吃喝玩樂whatsapp群! https://chat.whatsapp.com/FnjFwLAyrGW8s4BWpBOYpv 記得加入和牛媽媽最新嘅玩樂分享Group，大家仲可以一齊分享好玩、上興趣班好介紹哦~ https://www.facebook.com/groups/145854551755966