聖誕節長假期好快又到啦！又係時候要計劃去邊到玩啦~~     今次和牛媽媽為大家介紹一個可以玩足一日嘅好去處俾大家，就係香港挪亞方舟嘅《寵樂童萌大派對》，呢個活動絕對係好適合一家大細，仲有屋企嘅毛孩 (如果有)!     今次活動主題《寵樂童萌大派對》，當然就係同寵物有關係啦~     鍾意小動物嘅兩姊妹第一次體驗做獸醫《智萌小獸醫》，跟獸醫哥哥學習寵物習性，仲了解獸醫嘅日常工作。     你睇佢哋換埋大會提供嘅獸醫制服，幾享受、笑得幾開心！     獸醫哥哥仲教佢哋點樣幫小動物消毒傷口同包紮，仲有幫小動物做手術!! 真係學咗唔小知識呀!!     遊戲代幣: 4個   另外，仲有我哋最鍾意嘅手作工作坊《毛絨小萌寵DIY》，利用簡單材料，就可以製作自己獨一無二嘅狗仔、兔仔或熊仔。     當日有啡色同白色材料揀，不過兩姊妹都話要啡色~   遊戲代幣: 4個   除咗學做獸醫同做手作之外，亦有小朋友最鍾意嘅動物造型糖果製作《甜趣動物糖DIY》、利用食用印刷術，揀張自己鍾意嘅相，打印獨一無二嘅曲奇《聖誕曲奇設計工房》。     估唔到《甜趣動物糖DIY》糖果係咁容易做，小朋友自己都可以一手一腳完成呢個咁好味嘅糖果~   遊戲代幣: 6個   而《聖誕曲奇設計工房》係利用食用印刷術，揀張我哋最鍾意又有紀念價值嘅相去印曲奇，老實講真係唔捨得食咗佢呀!!!       遊戲代幣: 6個   除咗以上限定活動之外，香港挪亞方舟其實仲有好多嘢睇好多嘢玩。 《e-Planet 夢想星球》係香港首個以大自然光影互動展館，係沉浸式體驗~         入面可以穿梭森林、海洋、四季和未來城市四個展區。     嚟到呢到必去方舟花園，兩個女都係讀有宗教嘅學校。 所以佢哋都略有概念，打個卡留個念係必須嘅~     仲有心形打卡位~~       今次嚟到又忍唔住再喺《啤啤熊之友製作室》，整咗一人一隻啤啤熊返屋企。 啤啤熊仲有出世紙㗎~而家佢哋兩姊妹，當佢真係BB咁樣照顧㗎~       套裝價$300公仔連服飾，啤啤熊仲有四款熊仔皮選擇~     仲有超級放電嘅兒童遊樂場呀!!!       今次香港挪亞方舟嘅活動，有得食又有得玩，兩姊妹表示超滿意呀~ 仲有優惠$120門票 (原價$198)，你哋都快啲買飛去啦~   https://www.kkday.com/zh-hk/product/32218-noahs-ark-hong-kong-ticket?cid=14923   *每購買兩張遊客門票可獲贈10張遊戲代幣及總值$200現金券，遊戲代幣可用於參加活動，而現金券就可作園內購物或飲食之用。   *如帶埋寵物進入主題公園嘅遊客，須購買「人寵共樂」遊玩套票，入面備多項選擇，其中包括寵物專用巴士服務，可以來往青衣青敬路與香港挪亞方舟。   前往方法:   【香港挪亞方舟】 地址: 馬灣珀欣路33號 開放時間: 上午10:00 至 下午6:00 (挪亞方舟度假酒店24小時運作) (豐盛閣餐廳開放時間:上午8:00至下午10:00) (大自然公園開放時間:上午10:00至下午6:00) 以下是部份展館的最後入場時間: 大自然公園 - 下午5:00 方舟博覽館 - 下午5:45 珍愛地球館 - 下午5:45 方舟花園 - 下午5:45 夢想星球 - 下午5:45   https://noahsark.com.hk/tra/   ============================   記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.instagram.com/wagyubmami/ ============================ 和牛B & 和牛媽媽 YouTube Channel  https://www.youtube.com/c/Wagyubmami ============================ 快啲加入，和牛媽媽吃喝玩樂whatsapp群! https://chat.whatsapp.com/FnjFwLAyrGW8s4BWpBOYpv 記得加入和牛媽媽最新嘅玩樂分享Group，大家仲可以一齊分享好玩、上興趣班好介紹哦~ https://www.facebook.com/groups/145854551755966