好高興去咗「黃金海岸酒店」玩呀！ 我哋入住豪華海景雙床房，一入房就見到無敵大海景，房型空間夠大，有兩張雙人大床，2大2小一齊瞓都好闊落，有浴缸和整體乾淨舒服。 黃金海岸酒店有好多小朋友玩樂設施，當中小火車最吸引，可以係靚靚花園內搭乘，住客每位$40 （非住客$60），小朋友會覺得好開心。 酒店內遊戲室「鯊魚島冒險島」需要付費玩，酒店住客係HK$75 /45分鐘（一大一小），略嫌時間太短，小朋友玩到唔捨得走。仲有Aidan鍾意嘅飛天鋼索，都係需要付費，唔係好高，哥哥話幾快幾刺激！ 酒店行去黃金海岸沙灘只需2-3分鐘，落去玩下沙，散散步都幾寫意。另外酒店仲有泳池，泳池有滑梯和兒童嬉水區，但天氣太凍，我哋就無去游水喇。 第二天嘅自助早餐款式豐富！中式和西式都有好多選擇，即製奄列煎蛋熱辣辣好好味，粥粉點心和即煮湯麵都有齊，食得好滿足。 Check out 後我哋再去黃金海岸酒店廣場嘅「Jumptopia™ 小小環球美食家 (香港站)」玩，5座超巨型充氣彈跳城堡真係放電首選，幾個小朋友玩到勁開心！ 黃金海岸酒店真係好適合帶小朋友嚟玩，家長們完全唔需要煩惱有咩玩，只需要擔心夠唔夠時間玩，期待下次再嚟玩呀！ ————————————— 歡迎連絡安妮媽媽： Facebook專頁： 安妮媽媽親子日記 IG: @Annie_mama_diary | 安妮媽媽親子日記 E-mail : AnnieMamaDiary@gmail.com