【 集玩樂動物園卡丁車的室內綜合樂園 】 前幾日快閃深圳一天遊，朋友帶我哋去咗「深圳貝爾自然探索樂園」玩，估唔到會咁有驚喜呀，有電子遊戲機、小動物、遊樂場、美人魚表演、魔術表演、撐船仔和卡丁車等，好多野玩！  「深圳貝爾自然探索樂園」位於南山區海上世界，入場門票有分3小時和全日任玩，我建議買全日票，因為可以自由進出，又包一節手工。 我哋由一樓開始玩，先去玩保齡球、射籃球、多款電子遊戲全部任玩，大人可以唱K和掟飛鏢，仲去睇美人魚表演，小朋友會覺得幾新奇（大人就。。。） 同一層仲有個運動樂園，有刺激的滑道、彈床、波波池，小型飛索和歷奇活動等，放電一流！ 二樓係我哋逗留最耐嘅一區，可以近距離接觸小動物，而且好多小動物都有得餵食，一次過見哂羊駝、小鹿、兔仔、豚鼠、浣熊和鸚鵡等，小朋友就最開心。   兩兄弟好鍾意係兒童樂園沙池玩、也有長滑梯，大人可以坐喺旁邊休息下。 大家記得要上三樓玩卡丁車，3歲以上就可以玩，場地都算大，幾個小朋友玩完一圈又一圈，值回票價！仲有得撐船仔，不過水池無工作人員在旁協助，小朋友上落船仔要扶實啲。（同埋水池水質好污糟） 全日票包一節手工，我哋都有去手工區揀左「恐龍化石」去玩，裝備好齊全，仲好細心提供圍裙和護目鏡。 溫馨提示: 部分遊戲設施需要著防滑襪，大人小朋友也需要，記得準備喇！（現場也有提供$10一對）   深圳貝爾自然探索樂園 地址：深圳市南山區海上世界D區自然探索中心 地鐵：2號線海上世界A出口步行300米 ————————————— 歡迎連絡安妮媽媽： Facebook專頁： 安妮媽媽親子日記 IG: @Annie_mama_diary | 安妮媽媽親子日記 E-mail : AnnieMamaDiary@gmail.com