之前係美國買左呢款 Manhattan Toy Winkel 搖鈴手抓球牙膠玩具, 因為之前行街見過. 印象中好似幾得意咁.我見到淘寶賣得好勁, 但始終會係比孖寶成日玩同放入口咬既野. 我當然唔敢係淘寶買啦! 於是我就搵呢個brand的資料, 係來自美國的. 就係咁我就係美國訂左一個回來比Caydan Ramsey 玩啦, 咁當然啦, 就算美國訂都係中國製, 但心理上就好D咁, 起碼應該唔係山寨中的山寨貨.    呢款搖鈴手抓球牙膠我睇佢官網這係無固定的拿取方式，任何一個角度，任何一個圈圈都可以拎，圈圈的寛度不單止適合BB的小手去拎，亦都好適合BB的小嘴去咬! 自己就覺得佢的設計獨樹一幟, 所以先會搵咁多資料黎係美國買返來.     而且佢係用左 BPA Free的膠, 既可以懸掛，又方便BB手抓的玩具，唔單止顏色鮮豔，色彩絢麗、仲可以比BB動手玩、又可以作為磨牙牙膠咁用。     大家都知道豐富的色彩可以刺激BB的視覺，而搖動的時候發出聲響，同時又可以刺激BB的聽覺並引起BB的注意力，有彈性的圈圈仲可以訓練BB的手指握力同增加手指仔的靈活度.     仲有佢真係幾好抓握，BB的小手點都會搵到佢地自己合適的位置，玩具好輕身，軟硬適中，適合岩岩出牙仔的BB！我希望呢個玩具可以鍛煉到Caydan Ramsey手指的靈活性，因為有說咁係可以促進BB大腦的發育。   所以我真心覺還我咁遠買呢個玩具返黎係無錯既…哈哈!點都要搵d理據支持自己敗家.   我和孖寶的Facebook Page: 荔枝與孖寶 If there is any question or you looking for me and the boys,  please feel free to contact LaiChiMaMa via Email: cherrywcchan@gmail.com