6 MARCH 2016(SUN) 今日同小小豬去左K11嘅玩具亭玩，不過因為人太多，所以我地玩左一陣就走。行過附近小小豬就俾對面嘅HELLO KITTY吸引住，所以就入去行一轉啦~ 原來依一間Hello Kitty Go Green係全港首間以HELLO KITTY為主題嘅天然有機店，同錦田嗰間嘅有機薈低碳農莊同一出品嚟，所以可以見到KITTY小農夫呀~ 我想去Hello Kitty農莊好耐，不過一直都未成行，嚟同農夫KITTY影住相頂下瘾先啦~ 話明係有機店，所以店內所有貨品全部都係有機，而且全部都通過測試呀~ 店內都有好多唔同種類嘅有機產品，糧食、護膚品、種子花盆、新鮮蔬菜，真係咩都有呀~ 先嚟有每日都要食嘅米同埋唔同口味嘅米粉，選擇真係好多哦~ 仲有好多唔同種類嘅花茶、果汁及椰子油產品~ 嘩....有機護膚品呀，成個系列由爽膚水、精華、日霜、晚霜都有，真係好想帶晒返屋企呀~ 仲有好多唔同香味嘅手工皂~ 小小豬都不知幾鐘意依個KITTY頭手工皂~ 印有KITTY頭嘅健康嘅水果片、麥片同埋沖劑果汁~ 仲有啲天然水果醋，啱晒用嚟排毒，保持健康身體呀~ 當然唔少得荔枝味同埋龍眼味嘅蜜糖啦~ 小小豬仲即場試飲添~ 依度仲有種子、盆栽和泥土，可以一套買返屋企種呀~ 仲有新鮮豆漿同蔬菜，真係應有盡有呀~ 行左一個圈之後，小小豬又嚟SHOPPING呀~ 我地只止係攪攪陣，都有幫襯呀...哈哈哈~ 估唔到一個小小地方，我地兩個可以逗留左差唔多一個鐘，當中其中一個原因係因為.......小小豬好鐘意HELLO KITTY(當然係受我影響啦....哈哈哈)，所以佢可以不停睇，又滿載而歸，佢當然係好樂意跟我嚟SHOPPING啦~ 小小豬仲話飲完支蜜糖要再返嚟買，估唔到佢又會真係愛成咁哦...哈哈哈！       **我地嘅FACEBOOK FAGE，唔知大家LIKE左未呢？** 小小豬的成長日誌 大家一齊嚟交流下煮飯仔及去玩嘅親子樂啦