27 MARCH 2016(SUN) 其實我真係好唔鐘意依家嘅天氣，一時凍又一時熱，我嘅氣管敏感又嚟了。醒起之前托好姊妹買左啲靚靚鱷魚肉乾，所以就鱷魚肉海底椰煲瘦肉湯俾自己飲下啦~ 基本上所有材料都好易買，一般藥材店都有，鱷魚肉乾2兩、海底椰1兩、南北杏一湯匙、淮山6片、乾百合一湯匙、無花果2兩、果皮1片及豬肉眼$40~ 先將乾百合、淮山、南北杏和海底椰洗淨，果皮浸透去囊，無花果洗淨切半備用~ 瘦肉及鱷魚肉乾氽水備用~ 煲內放約3L水，然後加入果皮~ 待水滾後再放入其他材料，用大火煲約半小時~ 之後就轉用慢火煲約1.5小時~ 最後加鹽調味就得啦~ 其實今次用嘅材料好似鱷魚肉、海底椰、百合....都係一啲健肺嘅食材，加埋一齊煲好飲就唔有講，仲可以潤肺又止咳，真係好啱一啲成日咳嘅大小朋友一齊飲呀！   **我地嘅FACEBOOK FAGE，唔知大家LIKE左未呢？** 小小豬的成長日誌 大家一齊嚟交流下煮飯仔及去玩嘅親子樂啦