又到搵學校時間, 今次到細佬要準備搵N班啦, 基本上都已經TARGET 好晒報邊幾間, 希望家姐生生性性同好彩地入到我地心儀個間, 咁細佬就唔駛煩了 好啦, 講返準備先, 首先選定心目中的學校, 致電問好交表日期, 所需文件, 費用, 跟住就同佢地揀返張靚相啦, 有好多家長會出去比錢人影, 而家搵N 班, 我又唔會要讀名校, 我自己覺得無咩o既需要, 同時地佢地要求係睇下bb/小朋友個樣, 如果唔係太過份, 自己同佢影, 效果可能好過出街影, 一來係街太多估唔到的事會發生, 例如去到相鋪仲訓緊, 揀一大輪都仲未醒, 發晒脾氣唔識笑等等, 同埋連鎖集團的師傅們唔會有心機幫你氹笑影羅, 3張起5張止, 影完就唔該埋位揀相比錢啦! 我係屋企自己幫細佬影, 都影佐好多張, 真係咩角度, 咩表情都交到比你呀! 好彩地我都揀到一張係滿意o既! 跟住就可以上網搵 DIY Passport Photo 呢個軟件, 十分易用, 有圖解的, 唔幫佢賣太多廣告呀! 証件相佢都有好多唔同尺寸同埋粗幼白邊選擇 OUTPUT 成4R, 羅去巿場上大型的相鋪, 快XX 晒, 點解因為好多細相鋪見到你係証件相, 會收你20蚊一張OUTPUT, 佢地做少佐生意, 只好咁樣做, 我好明白的, 除非相鋪你係相熟的 快XX 只要最低消費12蚊便成事, 我晒佐3張, 已經有足足2打24張, 夠晒用之餘仲可以派比4大長老就佢地有張傍身, 成日可以比人地睇下佢地個孫 揀相注意, 最好唔好有個大影係背脊, 如果有的話, 輕輕執到就解決佐, 唔係就用多少少時間影多幾張, 當同佢地玩羅 祝各位小朋友入到心儀學校 E-mail: babytiggerbuzz@gmail.com Facebook: https://www.facebook.com/wongaretha MyBB Blog: http://www.mybb.com.hk/home.php?mod=space&uid=9473&do=blog&view=me She Blog: http://blog.she.com/buzzqoo/ Mamibuy: https://mamibuy.com.hk/home/448/article