前排見到D·Park嘅愉快天地進行梗工程，已經好期待呢個兒童電動車場嘅旦生喇！ 工程進行中... 車隊整齊列陣！有三輪車，亦有電動車~ 法拉利、林保堅尼、Land Rover....全部都係名廠車嚟喎！ 話咁快就已經開幕喇！仲吸引咗不少小朋友到來做車手添！ 車場內設有停泊車位、道路標誌... 斑馬線......等等，小朋友嚟到猶如響實際路面情況駕駛咁呀！ 學神1號已經預備落場實習一下路面駕駛喇！ 學神2號似乎信心十足咁喎！梗係啦！今日係佢6歲生日大日子，可以嚟練下車，特別精神爽利啦！ Ready~~ Gogogo~~~~ 輕微碰撞！Fail~~ 雞手鴨腳咁，又撞喇！ 不過又撞得幾開心喎！XD 唔知點解啲小朋友好似當咗玩碰碰車咁嘅....=.=''' 突然有車高速駛來！快啲閃避啦！~~~ 小朋友適應能力真強，好快就已經駕輕就熟喇！ 遊車河，享受駕駛樂趣，睇到我都想玩埋一份呀！ 一齊嚟睇下佢哋嘅駕駛情況啦！XD 快樂不知時日過，15分鐘嘅路面實戰過去喇！ 返回泊車處~ 麻煩熄匙、車牌、身份證丫！XDD 細心睇下，其實㗎車仔像真度都好高喎！ 原廠授權嘅電動車仔的確係唔同啲呀！過嚟睇睇有啲咩嘢車啦！ LAND ROVER BENTLEY 林保堅尼 RANGE ROVER BENZ 仲有一啲車車正在充電中 臨走不忘要同Donut & Gemma合照，佢哋都係D·Park嘅MI Character嚟呀！cheers~ 唔知大家有冇印像早一、兩年，響尖沙咀海港城都曾經有一個短期嘅室內車場比小朋友玩。果次我哋登記咗，但最後好可惜有事去唔到。晴朗一直就係等梗第二次機會，終於等到喇！D·Park將愉快天地變身為全港唯一室內兒童電動車場，簡直係達成咗佢哋嘅心願啦！響駕駛嘅過程中，隨咗可鍛煉小朋友對路面情況嘅邏輯性，仲可以學習交通規則同道路安全知識。媽媽們仲等咩呀？快啲帶埋小朋友嚟D·Park L3層嘅愉快天地駕駕車、鬆一鬆，一齊體驗駕駛樂啦！ 參加方法，隨咗walk-in報名，仲可以網上登記㗎！ 登記網址：http://goo.gl/lpGjeb 1. 進入網站後，先按「MI邏輯駕駛旅程」旁的「Booking」按鈕，該旅程門票便儲存於帳戶內 2. 再按網頁右上角的「Booking」按鈕進入登記專頁 「MI邏輯駕駛旅程」詳情： 愉景新城 D · Park 地址：荃灣青山公路398號愉景新城 網址：http://www.dpark.com.hk