蠟筆小新，應該冇人唔識佢喇卦？！呢隻抵死搞鬼嘅小新及一班好友嚟咗荃灣廣場呀！如果自問夠平衡力、反應同膽量嘅朋友，就快啲嚟同佢哋一齊接受挑戰啦！鼎鼎大名嘅蠟筆小新登台，埋嚟睇埋嚟趁下熱鬧喇喂！~~~ Oh...好榮幸可以同大名星影相呀！XD 小新嚟到，當然星光熠熠啦！ 好似呢條星光隧道咁，就吸引咗好多人入去感受一下穿越星光嘅滋味喇！ 蠟筆小新嚟到，又點會冇蠟筆呀？ 我哋預備去穿越星光隧道喇！ 仲攞咗本「蠟筆小新家庭紀念本」印章之旅，預備一陣間進行挑戰用㗎！ umm....又嚟錫番啖先啦！@o@ 進行挑戰之前做下熱身先，跑呀！~~~~ 努力完成賽事後，我哋得到第3名呀！XD 同小新一齊we we嘩嘩搭校車番學校囉！~~~ 原來校車內有乾坤，朗朗已經進行梗第一個挑戰喇！ 機關滿佈之下，要反應夠快先得呀！第一關，pass~ 第二關係巨型滑梯，考膽量嘅時候嚟喇！ 上到去咁高sir落嚟都咪話唔驚呀~ X_x 小新真係好鬼過癮抵死㗎啫~ 我哋上去喇！好緊張呀！ 上到去仲可以擺個勝利手勢，證明信心十足啦！ 我哋We~~~「雪」一聲就落咗嚟喇！第二關，pass~ 第三關係充氣大滾筒，考驗平衡力嘅時間嚟喇！ 晴朗毫無畏懼，實行關關難過關關過~ 爬呀！跌呀！努力！加油！ 睇真啲！好似兩隻大倉鼠喎！XD 玩得太興奮，玩到唔願出番嚟....第三關，pass~ 成功挑戰競技關卡就有印章，儲滿3個印章就可以得到一個貼紙勳章喇！hahaa 動感光波~ 逼逼逼逼逼~~ 小姐，妳敢吃青椒嘛？！一齊嚟同小新近距離接觸一下啦！XDD 以蠟筆小新為主題都可以話少見，見番佢又勾起好多童年回憶，以前真係會集集追㗎！唔知大家有冇咁瘋狂呢？皆因佢個pat pat太頂癮同埋講嘢又夠晒搞笑抵死囉！小朋友攞咗張印章紙，就會好有目標咁去玩齊3個關卡，儲齊印章攞貼紙。場內遊戲係免費參加㗎！咁又過咗一個快樂嘅下午，大家family day又可以有多一個選擇喇！  蠟筆小新SUMMER CHALLENGE 地點：荃灣廣場L1展覽長廊開放時間：由2016年7月22日至8月31日星期一至五 12:00~20:00星期六及日 10:30~20:00活動網址：http://www.tsuenwanplaza.com.hk/chi/view.php?c=p5