早前參加左mamibuy試用活動，拎左一套L.I.F.E.「有機呵護肌膚套裝」試用體驗，用左一排發現其實都幾好用！ 介紹下呢份試用套裝先，雖然叫做試用，不過都有好多支野~而且每一支都唔係用完一次就算，都好大支下架！試用套裝就包括：(左起)有機冷壓初榨椰子油X1、免洗消毒液X2同Life洗手泡泡X1 呢套野入面我覺得椰子油真係好好用！一打開蓋已經有陣椰子香出黎，而且好潤！ 我本身都有用開椰子油，用黎搽髮尾，治療乾燥皮膚。純天然成份BB又唔會敏感。(其實仲有好多用處，大家可以GOOGLE下~) 呢支真係好潤，我諗遲下秋冬應該會好有用! 加上呢支細細支，方便帶出街用，佢又會做左我奶粉袋常備既其中一樣野啦！ 自從屋企有左小朋友之後，就開始十分十分注重清潔，洗手液同消毒液就一定要有架啦！不過洗手泡泡液就第一次用，開頭見佢細細支，家下用落都幾襟用，原來一吱就係泡泡黎，D泡泡出黎好細好綿~ 至於消毒液，睇番說明原來佢係一隻「可食用」配方~可以噴落D食具呀碗仔等佢自然揮發。咁方便就梗係要帶出街用啦！佢仲有介紹到可以噴落D玩具呀床仔呀度消毒，不過我自己就有用開野去抹就未試過，大家不妨可以試下！