不經不覺小JM已經六個月大啦。。。 早一星期返左去健康院同私家診所檢查同打六個月針， 幸好爸B有時間可以陪小JM一齊去打針， 所以今次小JM真係一滴眼淚都無， 只係打完輕輕扭左兩下叫左兩下就算， 真係好彩有爸B！ 小JM 六個月大，亦意味著我作為 "奶媽" 已經半年， 好開心我可以做到全人奶， 亦好多爸B、媽咪及身邊既親友們既支持， 令我係呢半年時間成為一個富媽媽。。。 我會繼續努力，將最好既留俾小JM 小JM已經六個月大， 而我亦打算由而家4泵轉為3泵， 以"夠食"為大前提， 唔想再無止境不斷儲太多"儲備"係冰格啦 希望接住落來既日子小JM 加固既進程可以變得越來越理想啦！ 既然小JM已經夠六個月， 咁我亦都開始著手俾小JM試下加固！ 為左令加固進程更加順利， 我呢位新手媽媽亦要做下功課，了解下有關"加固"既知識！ 係開始加固之前，不如先了解下"加固"既常見問題先啦 1.）小Baby到底幾時先適合開始加固呢？ 其實一般係 四個月返健康院見姑娘個陣， 姑娘都會對BB進行初步評估， 睇下BB有無需要提早加固， 但就一般BB而言，大多數都會係六個月左右先開始加固既， 當然每個BB既發展步伐都會有唔同，所以如果有疑問最好就請教返醫護人員啦！ 健康院姑娘提議，如果BB有以下表現個陣，就可以嘗試俾BB試下加固架啦： 活動能力及進食既反應 ＊可以依靠椅背坐起 ＊能夠自行抬起頭 ＊能夠伸手抓物件 ＊對食物產生興趣 ＊會表現出 "想食"既樣 ＊睇到匙羹會識張開口 ＊能夠自行閉嘴吞嚥食物 當你發現BB有以上既表現個陣，不妨俾佢試下慢慢開始加固啦！ 但都要切記，唔好因為一時心急而提早加固呀， 咁樣會好容易整親小Baby，同比較危險架！要注意呀！ 2.）點樣開始加固好呢？ (a.) 時間安排 其實健康院姑娘會建議初次試加固既話， 最好係BB下一餐奶前既 30-45分鐘開始俾BB試下食固體食物 點解係"下一餐奶前既 30-45分鐘"？ 因為個陣BB未係好餓，但又唔會太飽， 會比較有耐性去試新野， 所以建議下一餐奶前既 30-45分鐘係理想既 "實驗時間" (b.) 加固份量 初試加固既BB只可以進食少量食物，份量可以只有一至兩茶匙左右， 初時每日可以只係試食一次就夠架啦， 但隨住BB越想越大，越食越叻，咁媽媽就可以慢慢增加份量 當BB初試加固既時候，BB應該以教為幼滑稀身既糊仔開始， 到BB大個啲先再慢慢轉為教稠既食物 3.）加固有咩要注意？ BB 飽／餓既反應 及注意事項： 加固初期媽媽們都要留意一下BB對於食固既表現，留意下BB幾時會飽，咁就無咁易Over Feed啦 咁到底BB飽個陣會有咩反應咩？ ＊會越食越唔專心 ＊會避開匙羹 ＊會吐返啲食物出來 ＊會緊緊咁合埋口 ＊會推開食物或匙羹 相反，如果BB餓／ 對食物有興趣既話，就會追著匙羹，表示想食； 但當BB太過餓個陣就會有機會大吵大鬧，甚至乎喊添， 所以最好係BB未完全餓既時候就俾BB試食固體食物。 同時記得要為BB選購一啲合適既餐具， 以方便BB進食，最好就緊係一啲唔易打爛既用具啦，最緊要物料夠安全，又無毒，咁就Perfect～ 當BB飽既時記得唔好 "強迫" BB繼續進食， 以免嚇怕左BB，令BB對 "食野" 反感， 咁就會有機會影響左加固既步伐架啦！ 好啦，我講完一大推理論性野之後，又不如睇下小JM加固既進程呀～＾＾～ 每次小JM見到我拎佢隻碗仔、媽媽奶同糊仔出來就會好hyper 令我都自自然然會好俾心機咁去為小JM準備糊仔 ＊＊而家小JM試緊 Healthy Times 既Stage 1 糊仔＊＊ 。。。小JM用Kidsme咬咬樂試食車厘子。。。 ＊。＊。小JM閒時最愛Kidsme牙膠＊。＊。 ＊＊為食小JM見到人食野就會瘋狂＊＊ 有晒證據，所以小JM係真正既為食豬 為食豬，你要繼續努力食食食， 媽咪會同你一齊努力架！加油呀！ 繼續看： BB幾時可以食固體食物？4-6個月BB固體食物推介 BB開始食固體啦！6-12個月BB固體食物推介 >>> 看更多BB飲食分享 <<< ♫ ESDlife靚太Club 。 星級榮譽會員 ★sleepyceci ♬ ♩BK Milk。親子語。駐站Blogger ★傑。斯與晴 ♪ ♫ Mami Buy香港媽咪幫。駐站Blogger ★傑。斯與晴 ♬ ♩Ohpama。Oh爸媽。駐站Blogger ★傑。斯與晴 ♪ 歡迎追蹤 小JM 既Fanspage 「傑。斯與晴」： 如有任何查詢/合作，歡迎聯絡我同小JM 參與產品試用或者各樣活動 媽咪既Email係： sleepyceci＠hotmail.com 小JM既Facebook Page： 傑。斯 與 晴 （Jolie Babe。小JM の 成長印記）
