好開心，終於比我買到日清體驗票啦！ 之前第一輪推出，已經好快賣晒， 第二輪加推，第一時間及實買package 呢個體驗係童夢城裡面，家姐已經去過2次， 一朝早叫醒佢時先同佢講去邊， 起身動作比平時快一倍 亞女你好精神，但我好眼瞓呀! 問小姐去邊到食早餐，係都話要係機場先食， 仲話要食粟米片， 都唔知點解真係有套餐係有粟米片呀！ 好啦，食完都仲尚早，等開門 開佐門攞完Passport 都仲未夠鐘, 同清仔影下相先啦！ 好啦，終於等到夠鐘啦！ 我地整杯麵先, 門口有流程圖示 每位小朋友都有一頂小廚師帽 第一步, 攞返個杯先, 跟住就用膠蓋吸好, 以免整污佐杯內影響個杯麵品質 第二步, 就係創作獨有的杯身 同時間揀埋湯粉及4款配菜 攪掂晒以上, 可以帶埋個吉杯同點菜紙比工作人員 首先會倒轉杯身吸住一個麵餅, 呢個時候就要自己轉動手把, 將個杯身轉返落黎 下一步就係加入自選湯粉同配菜 再下一步就封口, 再用收縮膠包好 家姐非常緊張呢2個杯麵 終於完成啦! 現場有唔少得的杯麵牆 最後用佢地貼心提供O既充氣袋, 放入杯麵用手揼加氣, 就無咁易壓爛個杯麵啦! 個杯麵模型仲高過家姐 我地個杯麵成品, 我畫功真係唔得, 應該爸爸畫會好啲   呢個套票仲有3份職業體驗, 完成佐杯麵, 家姐去佐做快遞員, 跟住我地又要再整出前一丁麻"牛"麵 講解簡單易明, 包括短片同牆身有, 一路都有工作人員睇住同幫手 要自己開手搓粉 用壓餅皮機壓14次 醒粉後再加壓4次, 令粉團壓簿同切成麵條   切成麵條後要蒸熟 再以高溫油炸, 迫出水份 入包裝袋時, 工作人員會倒埋啲麵碎比你即刻試食, 最開心莫過於係啲小朋友啦 個包裝袋都有得自己設計呀! 我地O既自家出前一丁包面世, 我個包寫佐細佬個名呀! 杯麵同出前一丁保質期都係一個月, 我地會唔會捨得食佐佢呢? 呢個體驗真係唔錯, 至少我會知道我地成日食O既方便麵係點整 同時都有機會自己親手整 有興趣媽媽們, 可以去童夢城網頁睇下仲有無BOOK 想睇更多 2A o既相, 可以LIKE  黃家 2A 的快樂日誌 FB 頁 Facebook: https://www.facebook.com/wongaretha 歡迎邀稿試用 E-mail: 2Amamawendy@gmail.com   有關BLOG, 可到以下連結 MyBB Blog: http://www.mybb.com.hk/home.php?mod=space&uid=9473&do=blog&view=me Mamibuy: https://mamibuy.com.hk/home/448/article  生活易WOW: http://wow.esdlife.com/space.php?uid=62614&do=blog&view=me Blogger: http://2amama.blogspot.com/