岩岩過去左既週末真係過得好充實， 特別係星期日，可以話係一個好好既學習及交流機會呀！   因為要去整熱製母乳Lotion ， 所以就算星期日要一早起身媽媽都覺得好幸福。  再者又可以留多一份「愛的回憶」，印證自己同小JM之間滿滿既愛，  仲有就係作為母乳路上既一個里程紀念。  原來不經不覺我都餵左差不多十八個月了， 亦意味著小JM轉眼間已經將近一歲半了。     溫馨小提示：   一歲半又到啦，又係時候返健康院做檢查同打針啦！     母乳，對我而言除左俾到小JM營養及提供小JM健康成長既所需之外，  仲係一份充滿愛而且貼心既禮物，係一種愛既連繫。     媽媽我係小JM未出世前都好擔心唔能夠成功餵哺母乳，  亦聽到好多既反對聲音， 幸好小JM乖乖，飲得好好，  夠小JM飲之餘仲可以拎來沖涼添。 呢點真係令到媽媽好安慰。     以前返工都會照泵奶，所以都儲落左唔少，  因為當媽既總會「神經很大」胡思亂想，  一時又怕小B唔夠飲，一時又怕雪櫃出問題。     不過講到最傷心就莫過於要「倒奶」！  特別遇上小B厭奶個陣，眼睜睜見住啲奶仲剩一半就要倒真係會好可惜架。 仲有就係儲太多冰奶飲唔晒又係會浪費，所以多數會留來沖涼。   其實除左用來沖涼之外其實都可以用來整下其他既母乳用品俾小B用既，  之前我就整左兩款既母乳鏈來做紀念， 當時小JM剛好一歲，而今次就有機會試下整母乳Lotion！    C。J の 爸媽手記。自家DIY母乳飾物。簡易教學       講返今次既體驗活動先，今次我地係試整「熱製母乳Lotion」，  方法簡易，只要預備妥當材料就可以係屋企整都得添。     不如就等我同大家分享下尋活動學到既「熱製母乳Lotion」製作過程啦！     熱製母乳Lotion  「熱製」意思係指以熱水慢慢隔水加熱而製成Lotion  呢種製作方法相對地可以擺放耐少少，約一個半月左右，  而且因為不含防腐劑及成份都以天然為主，  所以適合大多數既小B使用。     材料：   母乳                  35-40ml  乳木果脂           1g  （Shea Butter）  橄欖乳化蠟        2.2g  （Olive Emulsified Wax）  甜杏仁油           5g  （Almond Sweet Oil）  橄欖油               2.5g  （Olive Oil）     （以上份量係根據小JM媽尋日整出來既成品而定喔,  但礙於有點手殘就係啦，所以有多左啲）      用具：  刮棒            1 枝  大量杯        1 個  小量杯        1 個  電子磅        1 部  攪拌棒        1 枝  電子水溫計    1 枝  電動攪拌器    1 部     做法：  1.）    先將母乳解凍變成液體狀     倒出約 35ml 母乳於大量杯中，備用。              （約常溫即可）          2.）    將小量杯放係電子磅上，以準備量度份量啦！             （記我每次落材料個陣要將重量變返零呀，唔係就會做錯架啦，要小心喔！）                先取出 2.2g 橄欖乳化蠟，並置放於小量杯中。          3.）    將電子磅歸零，再取出約 1g 乳木果脂，並放於小量杯中。          4.）    將電子磅歸零，倒出約 5g 甜杏仁油 於小量杯中                           小知識：                甜杏仁油既油身比較薄，但保濕程度高         5.）    倒出約 2.5g 橄欖油 於小量杯中，備用                            小知識：                橄欖油油身會較為厚一啲，所以具有滋潤既效用                而用來整Lotion既橄欖油係有別於一般家中既食用油既，                呢種橄欖油會較為新鮮天然，但保存期有限定          6.） 將放置母乳既大量杯及已放有材料既小量杯放入已預先預熱好既熱水中，              並以攪伴棒不時攪拌材料杯至全部材料溶化為止；               將盛有母乳既大量慢慢加熱至 50ºC          7.） 將已完全溶化既材料倒入已加熱既母乳中                   溫馨提示：             想要Lotion更幼滑就要小心溶化材料既步驟，             要檢查清楚材料是否已經完全溶化，而且並無粒顆在內。          8.）    用刮棒將痴住係小量杯既材料取出，加到大量杯中，不要有遺漏喔！                 再以電動攪拌器將材料及母乳混合，攪伴約十分鐘左右，                 大量杯中既Lotion初型就出現架啦，                 感覺到微微杰身就可以停止攪拌，待涼後就可以入盒        9.）    成品出來啦！           係屬於小JM既專有媽媽牌Lotion！               小提示：      母乳Lotion完成後需要置放於雪櫃之內，以保持母乳Lotion既新鮮度，     因為母乳Lotion本身係以母乳及其他天然成份製作而成，     而且不曾添加防腐劑，所以必須每次使用後都要冷藏好，     以免母乳Lotion變壞，浪費媽媽一番心機喔！     小JM媽試後感：  整完之後發覺原來母乳Lotion一啲都唔難整， 真係又學多一樣野。 整好左之後自己都親身試過， 的確幾滑幾保濕， 如果早啲知道既話應該可以慳返買Cream／ Lotion錢添！ 因為成份天然，唔會怕小JM食到，搽手又得搽面又得，連PatPat都一樣得～＾＾～ 想要其他味道既仲可以配搭其他精油添。     ♫ ESDlife靚太Club 。 星級榮譽會員 ★ sleepyceci  ♬ ♩ BK Milk。親子語。駐站Blogger  ★ 傑。斯與晴  ♪ ♫ Mami Buy香港媽咪幫。駐站Blogger ★ 傑。斯與晴 ♬ ♩ Ohpama。Oh爸媽。駐站Blogger  ★ 傑。斯與晴  ♪ ♫ 媽媽經 。 駐站精選Blogger  ★ 傑。斯與晴   ♬  ♩ Ubaby Magazine。駐站Blogger  ★ 傑。斯與晴  ♪   歡迎追蹤 小JM 既Fanspage 「傑。斯與晴」： 如有任何查詢/合作，歡迎聯絡我同小JM 參與產品試用或者各樣活動 媽咪既Email係： sleepyceci＠hotmail.com 小JM既Facebook Page： 傑。斯   與   晴 （Jolie Babe。小JM の 成長印記）