此文非廣告,茯柃媽自費活動,純分享:) 茯柃個半月大第一次到Baby Spa游水,平時係屋企沖涼個陣我地都會托住佢頸仔比佢係浴盤連埋耳仔浸下浮下,等佢夜晚好訓啲,有時浸浸下仲會訓著左添.. 其實BB天生就識游水,但到六至九個月大就會慢慢忘記,所以越早灌輸佢地游水的概念愈好,將來都可以無咁怕水.講番游水當日,去到首先填份form,再將茯柃放到換片枱,茯柃媽同茯柃爸就去洗手,職員姐姐就慢慢幫茯柃除衫著游泳紙尿片,扣上游泳頸圈,頸後仲墊左條紗巾仔. 落水前職員姐姐叫茯柃媽試一試個水溫先,無問題就捉住茯柃對手仔,再慢慢放佢落水,等佢無咁驚,茯柃落左水一陣已經適應左,仲玩得好開心添！水中有個溫度計可以睇住個水溫,仲有玩具可以比我地引佢玩,. 游左大約15分鐘就要上水喇,因為游得太耐都會好攰嫁,之後由職員姐姐幫茯柃沖涼,再做全身按摩,不過茯柃可能肚餓,按到一半就喊,最後要茯柃媽抱住黎按埋個少少按完幫佢著返好尿片同衫就大功告成! 個到仲有間餵奶室同暖奶器,臨走之前仲入去餵飽左茯柃,佢就一覺訓到返屋企. —————————————————————————————————————— 想知道我地更多動態,可以Like我地FB同Follow IG.想睇多啲靚相,知道我地更多動態,可以Like我地FB同Follow IG.. FB 茯柃成長日記 : https://m.facebook.com/veronicadiary IG Follow : nica_chung YouTube：Veronica Diary