人生幾件大事，我相信大家都一定會影相留念，例如會影畢業相、全家福、pre-wedding、孕婦寫真、New Born相、哺乳相... 不過，呢一堆相片你有幾耐無係電腦、手機到拎返出黎睇呢？   我相信好多人都願意花好多錢去投資相機、鏡頭，但印相出黎既人又有幾多？ 可能你會話soft copy都save係電話、電腦，想幾時睇都得啦~ 但對屋企人、親友黎講，一張hard copy既相片，對佢地黎講已經係一份禮物、一個記錄 :)   係未有蠔豉妹妹之前，我已經勁鐘意用即影即有相機~ 每次旅行、Bridal shower、Baby Party、朋友wedding，即影即有相機都係我必帶既item！ 不過蠔豉妹妹咁細個，又點可以用閃光燈影佢？所以我就問朋友仔借左部Fujifilm Instax Share SP-2黎用~   每次有親友黎探蠔豉妹妹，我都會用Sony RXIV影完就print出黎送返俾大家 :p 大大話話我都買左150張相紙~~   每次親友收到都幾開心，老一輩既親戚仲要開心到即刻收係銀包！話要帶住同朋友開心share~ 由於本人真心太愛呢部printer！ 最後我忍唔住自己買左~ 因為都問左朋友借左成3、4個月，借到自己都唔好意思:p   拿~好多人問，咁印左出黎又點？咪又係收埋一邊~ 咁你就錯啦！ 我屋企既門後面就係貼滿左lu~   公司都唔例外，我都貼左幾張係到！ 係自己做到攰，做到好嬲既時候望下~   不過呢~由於呢種相紙都幾貴，係一個無底深淵~~ 所以值唔值得就見人見智囉~ 做我朋友既就發達，因為呢個無底深淵係由我負責 :p   我終於都幫蠔豉妹妹開左FB la~大家想睇佢日常無聊事就可以睇下:p 蠔豉妹妹之貓奴生活   Facebook : 80後的人妻「旅」友  Instagram : https://www.instagram.com/wingring/  邀稿 : wingring417@gmail.com / wingring@ymail.com