玩具反斗城尖沙咀旗艦店正舉行一連11日嘅Toy Fair (即日起至1月14日)，可以免費玩晒入面18個大型玩具遊戲。有1.5米高嘅Majorette戰車賽道、高2米身型龐大嘅Super Wing杰特、5米長嘅Globber滑板車等，同場亦展示首次喺亞洲登陸嘅Lego Mosaic Maker。         而參與今次Toy Fair 嘅玩具品牌陣容都好鼎盛，有18個咁多。有Majorette、Boogie Board、4M、Slimy、Hatchimals 、Kinetic Sands、Audley Super Wings、Turning Mecard、Globber、Zipes Speed Pipes、Stikbot、Jelly Bean Factory、WOW Stuff、Fun Promotion及Alpha Group (Blazing Team、Screechens、Skyrover、Drone Force)     **醒目貼士** 入場記得領取小冊子，完成每項遊戲可獲蓋印一個，只要集齊當中8個玩具品牌的蓋印，即可換領傑菲故事書一本。     我哋成功集齊咗8個玩具品牌蓋印，換到傑菲故事書一本，你睇下和牛B幾開心，一收到即刻打開嚟睇啦。       未入到門口，就已經見到高2米身型龐大嘅Super Wing杰特喺半空中矗立。       旁邊仲有1.5 米高的Majorette 戰車賽道，戰車賽道做得好細緻，就連場景入面嘅紅綠燈都係會轉燈嘅。有三個唔同嘅玩樂區，而每個玩樂區都會有職員教導小朋友玩。     有車仔、有火車。而火車仲會自動郁，真係好吸引呀!!       ~必到嘅影相打卡位~   Slimy 鬼口水系列 呢堆青BB嘅鬼口水，令我諗起Ghost Buster呀~     鬼口水獨有的質感，可讓小朋友即場創作不同形態及形狀的趣緻設計，發揮小朋友的創意。     起初和牛B都唔敢玩，佢覺得個感覺唔舒服。     最後佢都願意落水去玩，仲玩到唔捨得走添呀。     唔講唔知，原來鬼口水都有唔同質感o架，有啲好水、有啲好硬、有啲好彈。顏色仲有好多種，仲可以有閃粉添o架，其實鬼口水都幾靚丫~     Globber滑板車 滑板車係小朋友最愛嘅遊戲之一，而家小朋友仲可以喺5米長色彩繽紛嘅跑道上免費試玩。       Turning Mecard 魔車戰魂格鬥場 相信係男孩最愛嘅對戰遊戲之一，喺格鬥嘅賽道上，與對手拎出變身小車即場比拼。       Hatchimals + Kinetic Sand 有三種色嘅動力沙沙盒入面，仲有迷你魔法蛋、魔法寵物造型公仔     和牛B第一次玩動力沙，好好玩呀，而且啲沙一啲都唔痴手，仲好容易處理。     亦可以做到好多造型，真係好好玩，顏色都有唔少選擇添呀。     第一次見到UFO呀!! 我同和牛B都睇到唔捨得走，仲忍唔住買咗佢返屋企添呀     佢唔需要電池、不洗遙控就可以喺空中飄浮，真係好神奇呀!!      另外，7、13及14日都會有卡通人物見面會、大巡遊及表演添呀！     而「星卡」會員買滿港幣$599，可獲$80優惠券一張，同時仲可獲雙倍積分添呀！   玩貝反斗城係和牛B同我最鍾意去嘅地方，因為呢到玩具種類好齊全。所以我好鍾意去呢到掃貨同埋閒逛，難得而家有一連11日嘅Toy Fair，一定要去呀！！         玩具反斗城 Toy Fair 2018 活動日期：2018年1月4日至1月14日 活動時間：12nn - 5pm、6pm -  9pm 活動地點：玩具“反”斗城 (尖沙咀海運大廈旗艦店) -------------------------------------------------- 歡迎聯絡我&和牛B: chungying56@hotmail.com Facebook專頁: 和牛B嘅成長專頁 Instagram: wagyubmami                -------------------------------------------------- 姊妹合作**Precious M accessories** 利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。