【傳統食療】拒流感,增強身體抵抗力恩物 ❄️話凍就凍,話病就病。做FTM最怕就係小朋友病,其實我大囡同細囡由出世到依家都(無食過西藥或特x福、無打過流感針,並唔係代表無病過(試過發燒到41度、咳、流鼻水、出疹、類似濕疹)。上年家姐中流感,妹妹出玫瑰疹,但全靠飲「佢」就好番哂。 點解推介只因為平、抵、有效。傳統食療係指薑紅棗水,我相信都好多人都聽過用於女性月經後補氣血既作用,但原來薑本可驅寒、散寒、止咳、消炎;紅棗可有助補氣、補血;果皮可止咳、化痰。因此對於發病中既人,身體打仗會發燒,正確是需要增強抵抗力去打,並不是抑壓病菌。 材料包括(5-6人份量): 薑 @10片 紅棗 @15粒 果皮 @2片 水 @2L 煮法: 1.薑、紅棗、果皮、水放入鍋。 2.大火煲至水滾(大約5分鐘)。 3.水滾轉至細火煲(大約30-45分鐘)。 4.夠鐘熄火,飲得。 特製剪輯影片(慕彤家姐配音): 小貼士: 1.薑及紅棗切片,味道效果更佳。 2.辣視乎落幾多薑、甜視乎落幾多紅。 3.切勿浸材料,效果會減低。 4.如給小朋友建議從少辣開始,可慢慢加多。 若果你或小朋友經常受病菌感染,做幾多清潔或睇過幾多次醫生,或者已經康復。我都推薦可以透過薑紅棗水為身體加強人自我復原既能力。 。FollowUs 。 Facebook: https://www.facebook.com/PAMA.BeWithU/ Instagram :https://www.instagram.com/pama.bewithu/