好耐....好耐....好耐..., 係要講3次,  因為真係好耐無寫BLOG 啦,  合約工作10月頭完了, 找了好幾個月工作,  到2月頭先搵到工, 而家搵工真係好難,  顧主選擇我同時, 我都會選擇顧主,  慶幸搵到而家呢份工, 有夾得來的同事,  而又可以配合到我照顧2位老闆. 話說回來, 今次同大家分享下淘寶相簿, 前排係FB 當年今日見到家姐有本1歲相簿,  細佬到而家已經2歲半有多, 但呢位亞媽仲未有意欲去整, 終於抽起條筋搵下邊到整會平靚正,  有搵過外國D 網站, 因為之前家姐個本只係比郵費, 10蚊有找,  所以都想搏一搏睇下搵唔搵到, 都有O既, 不過唔係咁平O羅, 最後把心一橫, 上偉大O既淘寶,  基本上個到係無咩搵唔到的 最後睇完一輪COMMENT, 揀佐下面連結的一間 我選擇佐雜誌式的, 因為擺無咁阻地方, 薄薄的就有好多頁 因為之前整家姐一本時, 已經知道大約流程, 所以首先我要揀好想放入相簿O既相, 強烈建議你分好每一個月份黎暫時存放, 咁樣排起版黎都會舒服好多 揀好相後, 選好你想要頁數, 拍好付款,  商家會比連結你製作相簿 入到頁面, 有好多唔同款比你選擇, 可因應個人喜好選取 揀好後可以開始製作 排版時, 可分別把預先分類的相片上載到系統中, 再點選入相簿分頁排版, 基本上用電腦去做, 好方便簡易, 直接把相片調大小,  加字加圖都有D 預載係裡面可以揀到, 有不足的就是, 呢個相簿打字方面, 打唔到繁體字, 就連佬佬個名, 我都打唔到放入相簿 如非常想放中文, 可以考慮先用小畫家或其他編圖程式打好, 再存為圖檔上載 由你存檔的第一天計, 你有30天時間去製作,  如果一早把相片及各樣準備好, 應該2日都可以完成 整完細佬本相簿, 我同時間整埋上年FAMILY TRIP相簿,  現在的我, 已經無再晒相, 有一本這樣的相冊, 我就可以好好留住回憶, 真係好怕有一日D 電子野再睇唔到O的相 排版時間真係要花好多, 但當本相簿到佐手後, 2位老闆都係到睇幾次, 回味著各樣, 個種成功同滿足感真係好大呀! 好啦, 係時候分享連結啦! 淘寶連結: https://detail.tmall.com/item.htm?id=23445620717&spm=a1z09.2.0.0.67002e8dDuHTPW&_u=egv6jc610f&sku_properties=21433:10122;2043202:47081243 想睇更多 2A o既相, 可以LIKE 黃家 2A 的快樂日誌 FB 頁 Facebook: https://www.facebook.com/wongaretha 歡迎邀稿試用 E-mail: 2Amamawendy@gmail.com  有關BLOG, 可到以下連結 MySinaBlog: http://buzzqoo.mysinablog.com MyBB Blog: http://www.mybb.com.hk/home.php?mod=space&uid=9473&do=blog&view=me Mamibuy: https://mamibuy.com.hk/home/448/article  生活易WOW: http://wow.esdlife.com/space.php?uid=62614&do=blog&view=me Blogger: http://2amama.blogspot.com/