BB出世左兩個幾月啦⋯⋯終於有時間同大家分享下我人生一大喜事 今年係結婚第三年,決定為屋企增加一個新成員, 第一步梗係要做過詳細既婦科檢查啦(檢查費都要$2xxx)⋯⋯檢查(合格),之後開始食葉酸,計排卵期 我係用呢個網站計,因為平時m期都吾係好準,所以我每次第一日m到都上去計下, http://www.mamago.co/date_calc/ 吾肯定係吾係百分之百準確, 總之我自己計左兩、三次就成功左。 可能一直期待懷孕,5月既時候突然成日好攰又冇咩胃口,心裡面暗暗期待係咪有左呢,不過因為未到m期,吾敢驗住...仲有大約一星期先到m期,唯有繼續等...等.... 忍吾住啦⋯⋯係m期前3日走左去買支驗孕棒...有條線,不過好淺色,真係有左? ?好疑惑??所以再買另一牌子既驗孕棒...都係有條好淺色既線.... 究竟係咪真係有左架???比d線搞到我好亂呀,所以決定打去平時睇開既婦產科醫生度預約, 不過....姑娘竟然話「你去普通科醫生度驗啦,黎呢度只係話比你知有左,冇野睇架,7週之後你先黎啦」聽到"O"曬嘴。 放工後,立即去普通科醫生度,一去度同姑娘講,我想驗孕呀⋯⋯姑娘話「一定要朝頭早第一督尿先凖架」點解驗孕都要經歷甘多波折。 終於第二朝一早再去驗,"BINGO" 我真係有左呀!預產期係8 Feb,2018,Yeah! 今次係我第一次懷孕,呢八個月真係好驚險,遲d再分享下我產前產後既生活啦⋯⋯