好多睇過沙律媽媽個 blog 嘅人都知道沙律媽媽有玩代購，主力做嬰孩用品！ 但沙律媽媽絕對唔會大細超，見到好野都會分享俾大家。[舊文：好物分享] 今次，沙律媽媽又要有分享好野啦，又係以一個用家角度去分享，無花無假！ 話說沙律B 一直都鵲巢鳩佔沙律媽媽個衣櫃，仲要一包包咁疊起 [用IKEA密實袋，超好用]！ 搞到沙律媽媽個衣櫃無左一大半位置！   而且呢啲衫唔係宜家著到的，全部都係至少半年後先著到嘅衫！ 有啲甚至4-6歲先著到，總之就有一大埋！ 仲要密實袋疊密實袋，疊到成座山咁，仲要成日跌落嚟！ 沙律媽對此非常苦惱，所以襯換季，要好好咁大執一翻！ 首先，沙律媽媽要睇下自已需要啲咩收納用品，跟手上左偉大嘅淘寶購物。   以下就係沙律媽媽嘅購物清單！ 1：兒童衣架 [Link] 呢款唔係普通衣架，呢款衣架是 stackable 的！同時又是可伸縮的！！ 沙律媽媽開頭抱住試嘅心態買左10個，點知一開始用就愛上，拿拿臨淘多20個！ 因為BB衫全部都比較短身，而沙律媽媽個衣櫃又長身，真係要好好善用空間！   呢款衣架上邊有個鉤仔，可以將衣架鉤上去，對於高身衣櫃，真係一流！ 仲有一個抵死之處，衣架是可以伸縮的，是可以變大的！ 只要將衣架白色位置向下拉，就可以伸長膊頭位，BB大左都可以用！ 仲要好平，RMB11.9/5個，RMB19.9/10個，RMB36.9/20個！！   2：真空掛衣袋+抽真空泵 [Link][Link] 真空袋沙律媽媽一直都有用開，但從未用過抽真空泵。 之前覺得無需要，因為覺得用人手都可以唧啲空氣出嚟！ 人手唧空氣永遠都唔夠用泵快，同埋唔夠徹底！ 所以沙律媽用左RMB28.59買左個 universal 泵，一泵又愛上！ 買泵之前，首先要買真空掛衣袋或者真空袋 [無衣架款]，RMB/4個！ 沙律媽媽買左有衣架款，可以將幾件衫打包，一次過抽真空，再掛入衣架！   首次試左5條連身裙，全部6歲先著到，真係要收埋先！ 沙律媽媽好醒，用左stackable衣架，真係超級慳位！     3：牛津布收納袋 [Link] 以上兩款產品都係 for 換季用品，開季先會拎嚟，所以抽完真空就可以收埋，下年再見！ 至於一啲平時常用嘅物品，例如床單，被仔等等，都非常之難搞！ 沙律B 啲床單被鋪1-2星期就洗一次， 一洗就一大堆，仲要無位擺，成日疊喺窗台！ 疊完仲有跌曬落嚟，搞到間屋勁亂，見到都煩。 所以，沙律媽媽又抱一試嘅心態，買左個牛津布收納袋，又係超好用！仲要 RMB9.8/個！ 而且 size 剛剛好，將床單被鋪放入去，再收入平時少用嘅櫃 [因為太高，超少用]！ 買左呢幾樣野，個衣櫃好整齊！！   嬰兒用品系列︰ 如何選購嬰兒用品の消耗品篇！ 如何選購嬰兒用品の奶樽奶咀與配件篇！ 好物&癈物分享︰ 精明買物媽媽系列の嬰兒好物大分享 I 旅行系列︰ 小腳板走天涯の10m台灣旅行應該帶啲咩！ 自家製系列︰ 自家製系列の嬰兒都可以食嘅生日蛋糕—沙律B生日快樂！ 其他忙碌日常︰ 加固系列の嬰兒可以食咩零食？！