幾個月前沙律媽媽都分享過一次嬰兒好物，今次又要分享多一次。 沙律媽媽的忙碌日常︰精明買物媽媽系列の嬰兒好物大分享！！ 其實隨著BB長大，真係有買之不盡嘅物件，唔知以下沙律媽媽此認為好用嘅物件，你又點睇呢？   1: BB車車轆套 [Link]  上一篇沙律媽媽已經介紹左BB車防塵罩 [淘寶貨，很不錯]。  其實沙律媽媽一直都想搵埋車轆套，咁就萬無一失啦。  本身打算上淘寶搵，但一直都搵唔到，最終我喺日本搵到！ 認識沙律媽媽代購嘅人都應該個沙律媽媽賣左呢款產品好耐，仲要超多人買。  我相信個個媽咪都想 provide 一個更乾淨嘅環境俾小朋友，但無奈好多產品都唔係咁易搵。 So far 我用左呢款車轆套一段時間，我都非常之滿意，終於都唔做搵垃圾袋墊住地下。   2: Teething Guard [Link]  我估好多媽咪都唔知咩叫 Teething Guard，因為呢款產喺香港好少見。  沙律媽媽喺香港都未見過，但外國網站就好易搵到。  其實呢款產就係圍住床仔邊果2條 rails，唔俾BB咬床仔的！  本身都打算買 Go Mama Go Designs，超靚！ 但我買唔落手，要$300-$400買一對，超貴！  好彩，沙律媽媽鍥而不捨，周圍搵，結果又喺淘寶搵到！  仲要係全淘寶只得一家，而且好評都唔少！ 於是諗都唔諗就買左。 仲要2條計番都係$70左右，都已算好平！  拎到番屋企，洗淨之後即用，超 fit size！  沙律B用Jakewell 床仔，歐洲 standard size [60x120cm]，各位媽咪買之前要度好尺寸！  呢對 teething guard 雖然係淘寶貨，但我都收貨！  雖然成對野嘅啪鈕唔算多，但俾我搵到已好滿足！  裝左產上床仔，沙律B日日都瘋狂地咬，瘋狂地啜。 但我都會盡量禁止佢咬，因為頭果2-3次洗都有少少甩色！ 3: 大人床防水墊 [Link]  沙律媽媽大肚果陣已經想買大人床防水床墊，因為驚自己去到懷孕後期會突然穿水。 但未開始買果陣已經生左。所以一直都 postpone 都沙律B 3個月先再買。 好多人都覺得：大人床都要防水墊，唔係淨係BB床先用架咩？ 我答你 - 非也！！ 因為有時餵奶會係大人床餵 [我唔知其他媽媽係唔係，我就係]！ 有一次沙律B飲完奶幾分鐘即噴曬出嚟，無由個口同兩個鼻窿一齊噴，3條奶柱！ 好彩有大人床有防水墊，Otherwise 就真係 high high 啦！ 沙律媽媽張床墊又係喺偉大嘅淘寶買的，可以包實曬張大床。 尺寸大左少少，始終大陸尺寸同香港尺寸有少少出入，但都可以接受。 至於沙律B張防水墊，我買左日本版 [link]，用左1年仲好似新嘅一樣，又唔焗身！   4: High Chair墊 [Link]  沙律B仲未出世時，沙律契媽ssssss已經買左 high chair 俾沙律B，是 Aprica 的！  本身已包一套墊，原來是不足夠的！  當沙律B愈來愈大個，愈來愈重，本身個軟墊已愈變愈簿，好似好唔舒服！  加上宜家成日坐係 high chair 食野，又經常跌啲野食係張軟墊度，基本上幾日就要洗一次！ 香港都有網店製這呢啲軟墊，但沙律媽然選擇淘寶！平靚正，又快到！  淘左番屋，個 packing 同日本西松屋果款一模一樣，都唔知堅定流！  High chair 有2張墊，一大一細 沙律媽媽通常都會係大墊同細墊之間加多塊，因為可以保護大果張墊。  最近，沙律媽媽改左防水墊，因為 protection更好！   5: 涼感床墊 [Link]  一開始進入夏天，沙律媽媽已開始物色涼感野俾沙律B，尤其床墊！  因為沙律B次次瞓醒覺個頭都好似落雨咁，所以沙律媽媽千辛萬苦喺日本搵張fit size！  好彩，又俾覺搵到手！日本真係勁，咩都有！  本身打算買張番黎試，點知一試又愛上！  因為張床墊真係涼浸浸，摸上去仲好滑。 而且4角仲有橡筋箍住，完全唔驚走位！  而且仲要有分防水同不防水版，如困本身張床仔有防水墊，普通款就已經OK！    沙律媽媽都嘗試放上page度賣，結果大賣，入唔切貨！  最緊要係沙律B用完，一起身唔會成隻落湯雞咁！     6: SuperBand蚊帶 [Link]  一踏入夏天，就係咩都出曬嚟，最多嘅就係蚊蟲！ 以前未有小朋友，已經成日聽我家姐話佢對仔女俾蚊針到傻。 但用過好多方法都驅唔到蚊，真係令人好痛頭！ 宜家自己做左媽媽，又開始代購嬰幼兒用品，一入夏天我又開始物色產品！ 今個夏天，我試左美國SuperBand蚊帶，感覺良好！ 雖然產品寫明3歲以下先好用，因為驚小B會拎入口食，但我都無理會 只要唔放入口就無問題！所以，直到目前為止，沙律B一粒蚊爛都無！ 首先，佢只係一條電話線款嘅橡筋，可以圈喺任何地方！ 其次，產品本身防水，DEET free，天然物料造成，我唔太擔心俾沙律B用！ 最勁嘅就係產品可以重複使用，用完放入zip袋，下次又可以再用，使用時間長達250小時。 沙律媽媽就係睇中呢個selling point，買左數盒，瞬間沽清！ 仲有一樣勁野，就係產品未開封，由manufacturing date計起，7年先到期！ 所以沙律媽媽留左10條 for 將來旅行用！ 6: Better Life 天然嬰幼兒日常清潔液 [Link] 當沙律B三個月左右，沙律媽媽已經開左 playmat 俾佢玩。  當然，大人亦都少不了會踩上去！ 面對清潔 playmat 問題，當時沙律媽媽都周圍搵產品。  由於當時未開始玩代購，好多野都未識搵。  但依然俾我喺 HKTVMALL 搵到枝嬰兒用嘅清潔液！ 用法好簡單，噴上 Playmat，用濕巾一抹，再用濕巾抹多次，搞掂！  我地張 playmat 用左成年，仲好新淨，唔知點解次次都抹到黑色野出嚟！  除左抹 playmat，宜家仲用嚟抹high chair，又方便又乾淨！ 詳細介紹：   - 含熏衣草天然香味，24小時全天侯照顧幼嫩嬰幼兒  - 100%植物箤取，成份天然，不含化學物，可生物降解  - 不含有害成份、致敏原及刺激物等 - 專門去除嬰兒口沫痕跡  - 不含揮發性有機化合物 [VOC]、阿摩尼亞，乙醇、硫酸，絕不危害育嬰環境  - 用途廣泛, 適用於嬰兒用品, 如嬰兒床，玩具，牆壁，床墊，嬰兒車，汽車座椅等  使用方法：  去除嬰兒口沫痕跡， 一噴一抹即可，毋需過水 亦可作清洗嬰兒衣物前護理，先在污漬上噴上適 量清潔液，再放進洗衣機作一般清洗 其他用途則一噴一抹即可，毋需過水   嬰兒用品系列︰ 如何選購嬰兒用品の消耗品篇！ 如何選購嬰兒用品の奶樽奶咀與配件篇！ 好物&癈物分享︰ 精明買物媽媽系列の嬰兒癈物大分享 I 精明買物媽媽系列の平靚正收納妙法！ 精明買物媽媽系列の嬰兒好物大分享 I 旅行系列︰ 小腳板走天涯の10m台灣旅行應該帶啲咩！ 自家製系列︰ 自家製系列の小兒天然止咳殺菌良方—燉紫洋蔥！ 自家製系列の打一歲針前應該煲咩儲涼湯水？！ 自家製系列の嬰兒都可以食嘅生日蛋糕—沙律B生日快樂！ 其他忙碌日常︰ 加固系列の嬰兒可以食咩零食？！