近排經常見到分享煲香茅青檸茶,不過呢。。。青係青喇! 係煲青蘋果!唔係青檸! 事關老公個菠蘿蓋一向都唔多好! 睇過資料,呢款茶有助膝軟骨重生,仲能治偏頭痛! 香茅 - 祛風通絡,對風濕關節有效應,治療偏頭痛,改善消化。 青蘋果- 生津止渴、解暑等。 材料: 1. 香茅 5枝 2. 青蘋果 2個 3. 水 800ml 做法: 1) 香茅用刀拍一拍,切段。 2) 青蘋果洗淨,去芯,切件。 3) 煲內注入水,下香茅及青蘋果,大火滾起後,轉小火煲20分鐘,完成。 Notes: 1. 像檸檬味道,非常清新。喜歡甜甜地的話,飲用前可加少許蜜糖。 #菠蘿蓋 #幫助膝軟骨重生 #香茅 #青蘋果 #做法簡單又好飲