好朋友魚媽推介我比仔仔用低敏羊奶粉，另外一位媽媽就叫我試多幾隻唔同牌子保濕cream。另外，照顧者都要著純棉衫，用BB同一隻洗衣液。定期洗洗衣機，確保BB床單被套都係保持清潔。除此之外，我個人認為比BB訓多d係好有幫助。千萬唔好經常幫BB戴手套，會阻礙BB嘅發展。每餐奶食完後都會用熟水抹臉，然後要塗保濕。 頭部護理 -用純天然椰子油輕輕按摩5-10分鐘，過水即可（可有助去除頭泥及死皮） 天使媽溫馨提示：千萬不要用手拘頭泥！ 傷口護理 -如非必要或醫生指示都唔好用含有類固醇嘅藥膏，後遺症將會係你想像唔到咁恐怖。 「過量塗抹外用類固醇藥膏會對眼皮、嘴邊、腋下及大腿內側等皮膚較薄的位置更易產生副作用。第一，類固醇或會令塗抹藥膏的位置出現頗深的裂紋，即使停用藥物後裂紋也不會消失﹔第二，眼瞼皮膚較薄，若在眼睛範圍使用藥膏，類固醇容易被眼球吸收而導致青光眼及白內障等嚴重眼疾﹔第三，若在面部或嘴邊使用類固醇藥膏會分別引致暗瘡或口周炎，出現紅腫及暗粒的情況﹔第四，類固醇會令皮膚變薄，因而導致皮下的微絲血管變得清晰可見，易有瘀傷﹔第五，吸收過量類固醇會使面部變圓和身體變得腫脹，四肢卻更纖瘦，形成類似中央肥胖的情況。」 *以上資料於2012年03月18日，由楊志強醫生 （香港大學李嘉誠醫學院，內科學系名譽臨床副教授）發出。曾刊載於《東方日報》， 2012年3月18日 -用豬油膏沖涼用，然後要過水。印乾水要即刻塗保濕，注意避開出水或傷口位置。 -天使媽有位做護士朋友指出：可用生理鹽水同冇菌棉去洗傷口或出水位置 -避免傷上加上，訓覺時要用包巾，令BB唔洗抓到一面血。 眼部護理 -如果見到BB有眼膠，可以用微暖嘅熟水，紗巾/冇菌棉輕手以單一方向抹去眼睛嘅污垢。 BEFORE 2/2018                                                          &                                              AFTER  7/2018