我相信所有人都認識「LEGO®」，無論你係小朋友定係大人，都一樣好鍾意砌LEGO®。 我細個嘅時候都已經好鍾意玩LEGO®，而家都一樣!!   ^ 變左咗嘅LEGO®人，仲高過和牛B呀~   今年係LEGO® Bricks 誕生60週年，為咗慶祝呢件盛事，LEGO® Bricks變身成巨大嘅兒童遊樂場，仲登陸咗荃灣廣場一樓中庭位置!! 仲有五大互動玩樂區，仲有唔少影相打卡靚位，呢到絕對係暑假最好嘅放電好去處呀!     【荃灣廣場 x LEGO®我們的遊樂場】 ^完全免費嘅LEGO®我們的遊樂場   <玩轉遊樂園> 4米高嘅巨型LEGO®滑梯組合屋，超童趣，平時玩嘅LEGO®滑梯變大咗，真係可以瀡o架!! 旁邊仲有一個氹氹轉，雖然唔郁得，但係影相一樣咁靚!! 呃Like一流呀~     係小女孩最愛嘅童趣公園呢~     <極速天地>   有3條彎曲高台跑道，前面多款LEGO®顆粒俾小朋友自由組合，設計出最輕盈極速嘅賽車。     仲可於高台跑道測試或與朋友比賽，睇下邊一個設計最好、最快!     紅色LEGO®巴士   5米長雙層開篷巴士，超壯觀呀! 仲可以登上巴士做司機或者乘客。     藍色的LEGO®車 由超多粒LEGO®砌成嘅藍色超型嘅車，坐咗上去都覺得有種速度感呀!!     <百變小鴨池> 稱得上為小鴨池，當然所有嘢都係關鴨事啦~~   呢到有無數LEGO®顆粒，俾你自組多隻鴨仔，藍色嘅LEGO®顆粒就好似一個湖咁~   繼續發揮你嘅創意，製作更多得意有趣嘅LEGO®作品啦~     <搞「軌」火車站> 呢個係LEGO®嘅新科技產品，平板電腦遙控LEGO®搞「軌」火車，可以遊走Duplo市鎮。     ^變大咗嘅LEGO®搞「軌」火車，仲可以坐上去添o架~   <3米高2x4 LEGO®紅色圓粒> 呢個係全港唯一一位LEGO®專業認證大師洪子健(Andy Hung)，運用咗超過13萬塊LEGO®精心打造嘅3米高經典2x4 LEGO®紅色顆粒，絕對係打卡呃Like熱點呀!!   旁邊仲有2x4 紅色顆粒俾遊客發揮創意，砌出你獨有嘅作品。       除咗遊樂場之外，今次仲有來自丹麥並且非常珍貴嘅歷史展品，首次喺香港展出。 仲有由LEGO®達人砌出最具代表性嘅世界大事模型。     ^縱橫天空   ^Mayday嬉皮士愛與和平音樂會   ^東西德統一   ^電話新世代   ^仲有60週年嘅蛋糕，細心睇8層蛋糕，每一層所有裝飾真係好精緻。   60週年愈出愈新仲聯同高科技玩嘅LEGO®玩具。   【指定消費換領60週年限量別注精品】 活動期間，荃灣廣場仲有期間限定店，有好多款LEGO®套裝。     (A)經典樂高積木筆筒 x 電話座 於荃灣廣場消費滿$400及於荃灣廣場LEGO®期間限定店購買任何LEGO®盒裝玩具滿$600 (總消費達$1,000)。 換領日期：7月20日至9月2日   (B)60週年紀念火車 憑贈品換領卡於荃灣廣場LEGO®期間限定店購買任何LEGO®盒裝玩具。 換領日期：7月20日至8月18日   (C)60週年紀念貨車 憑贈品換領卡於荃灣廣場LEGO®期間限定店購買任何LEGO®盒裝玩具。 換領日期：8月19日至9月2日   【荃灣廣場 x LEGO®我們的遊樂場】 活動日期：2018年7月20日至8月19日 活動時間：10:30am - 9:30pm  (互動遊樂區開放時間為1pm - 9pm) 活動地點：荃灣廣場L1中庭及展覽長廊   -------------------------------------------------- 歡迎聯絡我&和牛B: chungying56@hotmail.com Facebook專頁: 和牛B嘅成長專頁 Instagram: wagyubmami                -------------------------------------------------- 姊妹合作**Precious M accessories** 利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。