由芊羽三、四個月開始，Wilma媽間中就會買枕頭，_IO牌蝴蝶形枕頭、海棉枕、熊仔形枕等等，依家屋企起碼有五個BB枕頭。（芊羽反而冇用過防扁頭枕，但頭形算不錯呢，好圓下） 早兩日行過Yoho Mall一期0/3 baby collection專門店，又俾我買咗個新枕頭，今次買佢嘅原因實在令關注芊羽睡眠品質嘅Wilma媽唔買唔得。 首先，0/3係唯一有「香港執業脊醫協會」認可嬰兒嘅床褥品牌，一個好枕頭影響睡眠質素之外，亦會影響頸椎發育，對BB嚟講更為重要，連脊醫都認可，咁就安心得多！ 枕頭本身係雙層設計，可變化出唔同弧度，頭仔未太大可以淨係用單層，真正可以由3個月用到3歲。而芊羽夜晚仲係要奶睡，如果用蝴蝶型枕頭其實對於躺餵嘅我哋都唔舒服，呢款枕頭更加啱哂。 最後一點，係多數嬰幼兒嘅枕頭都以普通海綿做佢嘅枕芯。但0/3呢隻記憶枕係用高密度慢回彈太空棉，因應BB嘅體溫同重力變化做出最適合BB頭形嘅弧度，聽講仲冇咁易聚熱 題外話，Yoho Mall Sales姐姐解釋好詳盡，中途有兩檯客入嚟招呼不暇都唔會唔理任何一個，雖然俾錢過程因爲人多問題慢咗少少，但有得坐喺梳化仔等同埋Sales姐姐快手處理又講哂唔好意思咁，服務態度好好呀