媽媽其實係海鮮怪~~~ 蟹呢d咁正ge, 我梗係唔會放過~~~ 為食到一個程度, 係我特登學點劏蟹煮蟹先好味~ 咁正ge蟹蟹, 梗係要同老公同米豬一齊分享啦~~ 但係老公有點懶拆蟹, 所以等我起肉蒸水蛋啦~!!   有時行過街市, 會見到有一份份蟹/蟹+蟹鉗/淨鉗賣, 索性買份淨鉗啦~ 咩蟹都有d~ 好抵呀20蚊咋~~ 滿滿一大碟~ 材料: 蟹鉗 6隻 蛋 3隻 凍滾水 4.5隻蛋份量 做法: 1. 將蟹鉗洗刷乾淨(尤其是d骹位, 收埋好多泥ga), 隔水蒸10分鐘至全熟 2. 起肉...... (堅係心機菜...... 好在米豬呢日好全作訓咗3個半鐘晏覺, 等我有得慢慢玩XD)放埋一邊備用 3. 雞蛋3隻, 水4.5隻蛋, 點量? 打蛋時小心d唔好打碎晒隻蛋, 用冇空氣位0個半個蛋殼倒9次水(可以用返蒸蟹出ge水, 或者凍滾水), 就啱啱好喇~ 呢個係蒸水蛋黃金比例嚟ga~  淨低0個d第2日整咗蟹肉扒西蘭花~   4. 打勻水+蛋之後, 過篩落碟隔走泡泡 5. 加蟹肉撈勻 6. 包可以入微波爐, 冇塑化劑ge保鮮紙 7. 大火蒸4分鐘, 開小小蓋疏氣, 再繼續蒸4-6分鐘(視乎爐頭火力而定, 夠4分鐘輕輕撞吓隻碟睇吓d蛋有冇浪浪吓, 如果係實ge你就成功喇~ 食得~~~  晚餐用蛋蛋撈飯比米豬食 加埋菜菜~~ 好味道~~   **小朋友試過冇蛋同蟹敏感先好比佢食呀**   煮食小貼士: 1. 蟹鉗起肉時小心硬殼呀~ 2. 撈蛋用ge水一定要係煮過ge水, 因為水喉水冇煲過, 入面有空氣, 蒸時會有泡泡走出嚟, 咁就唔夠滑0都0都喇 3. 包保鮮紙係預防鑊蓋倒汗水滴落蛋度 4. 蒸4分鐘開小小蓋疏氣再冚實, 係等個鑊入面稍為降溫, 咁蛋面又會靚d啦~ 5. 蛋:水 1:1.5, 幾多隻蛋都係呢個比例 6. 隔走泡泡蒸出嚟就唔會豆皮喇~   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/