最近米豬開始越講越多野, 佢ge第一句句子, 係"麻咪set大大啖" (媽咪鍚大大啖) 老實講, 聽到係冧到暈低ge~ 同時, 又好proud of 米豬第一句句子, 係一句充滿愛ge說話 米豬識講ge字入面, 係冇"打打" "曳曳" 呢2個字, 唔係我冇講, 而係我極小會提及打打同曳曳, 同埋, 我其實冇打過米豬, 最多只係會話 "咁樣做唔啱呀, 因為...... 再咁做就沒收冇得玩" 我覺得對小朋友嚟講, 對佢地最大ge懲罰, 莫過於玩緊時比人沒收咗自己0個一刻ge心頭好, 打仔傷感情, 比佢知道底線好過, 就算話佢曳曳, 都只係會講幾句, 唔會loop幾廿次話佢曳 (因為我一收起笑容板起塊面, 其實都幾惡死ga) 好多時話完咁樣做係曳曳, 之後就解釋比佢聽點解咁做唔啱 1歲8個月唔識聽? 咪玩啦~! 佢精過你呀~! 你試吓同佢講, 執晒玩具有得食berry吖, 唔駛1分鐘個廳變到新ge一樣呀~!! 教咗, 聽咗, 入唔入耳, 做唔做, 係另一回事, 佢24小時對住我, 我相信佢總有一日比我loop到上腦~ 我係相信潛移默化呢回事的 最近睇好多文, 都提到照顧情緒會影響小朋友成長, 作為照顧者, 管好自己情緒已經係對小朋友最大ge教養, 自問係一個燥底心急人, 對住呢粒米, EQ都漸漸高起來, 同大家分享吓對上一次爸爸認為我應該爆, 而我又冇爆到ge事 話說有一晚食完飯, 餵湯比米豬飲, 一手拎碗一手拎匙, 餵咗半碗, 米豬無啦啦伸手拉個碗, 望吓入面, 又大大力推返比我, 湯嚟ga ma, 梗係浪晒出嚟啦, 我梗係全身濕晒啦~ (仲有個地下) 爸爸即刻look大對眼惡惡地話"你曳曳呀!! 倒到媽媽濕晒呀!! 邊個話可以搶碗碗呀!" 爸爸0個吓心諗我應該理智斷線, 發癲咁鬧仔, 點知....... "你想媽媽都一齊飲湯湯係咪? 碗碗有湯, 太大力就浪晒出嚟, 好似媽媽咁濕晒ga na, 下次請媽媽飲湯細力d ok?" 平靜地...... 溫柔地.......... 零火葯味地........... 爸爸O咗咀, 佢話"嘩~! 你咁都唔爆??" 我當時只係好型咁回咗爸爸一句"姐的EQ不是蓋的!" 其實日日對住米豬, 點會唔知佢諗乜, 如果佢一心諗住湯湯好味, 想同媽媽share, 點知換嚟ge係媽媽咆哮喪鬧, 你估佢下次仲會唔會同你分享? 好多時, 爆發前停一停, 企响小朋友角度諗一諗, 佢未必係想破壞, 但佢地仲太細個, 未係好協調到力度, 未係好表達到自己想點, 作為佢身邊最貼身照顧, 24小時相伴ge人, 幫佢地講出佢地ge心思, 舒緩佢地ge情緒, 都係教育ge一種, 唔係話教識佢地自己不飯, 屙便便要講出聲, 先為之教, 响呢個咁高壓ge社會, 情緒教育都非常重要, 每個人總有高山低谷, 要教識小朋友點面對負面情緒, 點樣抒發, 其實對佢地成長都有好大幫助 潑湯事件後, 米豬仲有冇大力推杯/碗呢個情況呢? 其實仲有ge, 但係好明顯, 比起0個次細力咗好多, 都會浪到小小水/湯出嚟, 但未至於我成身濕晒, 最多濕吓手, 每次我都會提佢 "你好乖呀, 請媽媽飲湯, 不過細細力就得ga na" 我相信, 佢D肌肉都配合緊力度, 只係要時間去掌握, 成世流流長, 媽媽比你浪多幾次, 慢慢就會學識, 我地唔好急 (响街佢想請人飲野我梗係死命jar實個杯啦~!!) 與其怕佢倒瀉而唔比佢, 不如等佢學吓點樣自己拎住唔倒瀉 為人父母, 就係一段不斷學習放手ge旅程, 而且每日EQ都不斷提升 (只限對住自己小朋友, 隊友並無受惠XD) 作為媽媽, 我梗係成日比米豬踩扁啦, 肚腩, 手臂, 大比呢d, 踩到麻木, 但次次我都會縐埋眉頭扮喊, 同佢講"你踩到媽媽好痛痛呀... 快D呵返媽媽" 米豬就會好似同你加持咁, 伸隻手出嚟, 好輕力咁摸我頭頂一下, 以示呵返 其實, 有時佢都會自己炸家E咁,要我呵ga~~ 米豬自己hi到枱邊, 其實一d都唔痛, 但又係咁响度縐晒眉頭咁舉住隻手, 响度不停咁 "媽媽~ 媽媽~" 示意我要呵返佢, 呢個七情上面樣超可愛, 不過我仲未cap到佢最肉緊做戲0個個樣, 可愛十倍XD (發仔瘟中) 我估佢呢個表情係响我度學返嚟XD 有時返婆婆度, 佢聽到表妹仔喊, 佢會走埋去, 好輕力咁摸表妹腳仔 (怕佢high得滯一野拍落表妹個頭度, 所以同佢講只可以掂腳仔), 媽媽我同婆婆每次見到呢個舉動, 都會覺得好窩心 同理心就係咁樣潛移默化出來 我相信每個小朋友都係一個獨立個體, 每個人成長有唔同ge步伐, 或者你冇其他小朋友咁叻, 咁快識得自己不飯食, 屙咗便便又唔出聲叫換片, 但只要你保持住呢顆善良之心, 媽媽嘔多幾両血都係值得的, 因為自從媽媽知道你响肚入面開始, 就希望可以用最多ge愛同包容去引導你成長, 有時, 媽媽覺得成長ge係自己呢~ 希望你求遠健康, 快樂 希望媽媽勿忘初衷 米豬豬的page~ 每日都update~ 歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/
