重陽節放假唔駛拜山做乜好？！梗係死螺裕喬爸爸帶我地出去啦，離開已經被宣怖獨立既將軍澳⋯⋯不過今日地鐵好乖，冇再壞到～食完早餐，我地就搭地鐵去中環～～去中環有咩睇？！其實中環好多景點：山頂、摩天輪、石板街、匯豐銀行對獅子⋯⋯⋯⋯咁其實今日去邊架？！原來爸爸帶我地去：香港動植物公園！一個對爸爸充滿回憶既地方～但老老實實，我真係未去過～ 我地係中環地鐵站K出口出，一路上山，沿途見到纜車站、美國領事館⋯⋯行左應該有20分鐘到就會上到去架喇～～但要小心d, 因為會經過馬路架～～ 見到個門口喇⋯⋯ 到著！！門口咋⋯⋯          首先，梗係睇地圖啦～～～好彩我地有個人肉地圖，佢會帶我地周圍遊～～（下圖係之後係園懼補影）    就算冇人肉地圖，園內既指引都算清楚架～～    門口一入就係竹園同洗手間，但可惜竹園關閉左～可能因為打風未修理好啦～不過沿途既植物好多都未搞番掂～話哂係動植物公園，但入園既人好多都只係睇動物，忽略哂身邊既植物，包括我地，惟有下次再去睇過～～    其實我地都係周圍行，冇特別路徑～～園中有個噴水池～～裕喬喬見到就好興奮，要爬上個噴水池度睇～～       之後經過長樓梯，見到king George VI 既銅像，就會到達雀鳥區～          睇完雀雀，咁就可以先上去兒童遊樂場～～佢係最高個度～～裕喬喬一見到就要自己行上去喇⋯⋯遊樂場既吸引力真係大⋯⋯    地方唔算大，但有得玩就梗係玩左先！ 不過我地都只係玩左一陣咋～～   接住落黎我地再去睇馬騮仔、猿同猩猩～～由雀鳥區過去猿猴區，會經過一條時光隧道～入邊係講述番呢個公園既歷史～～其實都幾靚架～～   係都要爸爸拖住先肯行入去～～  隧道一出右手邊，已經見到一班猿猴等緊我地，仲非常好動添～～除左動物，其實簡介牌上面既畫像都好得意可愛～～     超活潑既紅頰黑猿～    揹住猴BB架～～～   佛系猩猩～～坐高高望住你班傻仔先～～   探完猩猩就再行番去展覽中心～～入邊有少少展品同埋小朋友閱讀室～～其中最特別梗係美洲虎小花既標本～～原來佢曾經住過係公園入邊架，死後就做成標本～～   行完展覽中心我地就閃喇～～因為我地冇帶飯飯俾裕喬喬，而且佢又開始眼訓Lu~~~~ 同場加映我影既花～～～    P.S.: 1. 園內唔覺有換片既地方，我地只好借用展覽中心入邊既殘廁換片～ 2. 園內都幾多蚊，記得做好防蚊措施呀！！我真係見到有白紋伊蚊！！！ 3. 記得準備糧食俾小朋友～～唔好好似我咁淨係帶餅餓親阿仔～～ 4. 詳情可以參考番佢地既網頁： https://www.lcsd.gov.hk/tc/parks/hkzbg/index.html 我家裕喬的PAGE, 媽媽盡量每日UPDATE喲~歡迎大家like and follow~~ 亦都歡迎大家聯絡我地合作及試用產品～ https://www.facebook.com/JacoYK/