BB開始加固後,相信媽媽們都會買一堆零食例如星星餅,米餅呢D比小朋友. 雖然話就話不含呢樣個樣姐,但如果自己都整到既就唔洗突登出去買! 重點係：呢D零食閒閒地都幾廿蚊,仲要一陣風咁就食完XD 師奶媽媽慳錢心態 今次整呢個香蕉燕麥溶豆好簡單. 材料： 迷你香蕉 一隻(大概35G) 奶粉 12G 燕麥粉 6G  蛋白 一隻(留意有無蛋白敏感) 醋/檸檬汁 2-3滴 奶粉同燕麥份量其實平時茯柃媽係求其用匙羹不兩下,量都無量. 製作方法： 1. 焗爐盤鋪上牛油紙,唧花嘴裝落唧花袋 2. 香蕉壓成泥(時間許可可以過篩隔渣) 3. 加入奶粉及燕麥粉,攪拌均匀 4. 焗爐100℃預熱 5. 蛋白加入醋/檸檬汁,用打蛋器打到小彎勾 6. 取1/3蛋白落香蕉泥到劃十字拌勻 7. 將拌好既香蕉泥倒落剩餘蛋白一樣劃十字拌勻 8. 倒入唧花袋,於焗爐盤唧出適量大小 9. 焗大概60-75分鐘 (留意每個焗爐都不同,具體時間要睇自家焗爐情況,我家焗爐要75分鐘先得） 因為屋企焗爐細,所以一次整唔到太多份量 我一拎出黎呢位客人己經係咁要我比佢食 提外話,有次自己手殘將燕麥粉倒左落D蛋白到打,愈打愈流質 唯有試下加多兩羹奶粉撈埋,唔整粒粒豆型,整大塊餅型,睇下可唔可以救返佢 最後完成圖.食落好似食緊塊餅咁,小小脆口 —————————————————————————————— 想睇多啲靚相,知道我地更多動態,可以Like我地FB同Follow IG.. FB 茯柃成長日記 : https://m.facebook.com/veronicadiary IG Follow : nica_chung YouTube：Veronica Diary   <br />