由於頭2日傷口都好痛加腳冇力行唔到出去 最終第3日朝早喪屍爬行記爬去BB房 其實依2日都有keep住睇你d相 靠爸爸不斷去睇你而影低比我睇 今日見到你….絕對唔陌生但又絕對同出世既你完全唔同樣 你mini番喇,冇脹卜卜大隻仔咁 對眼原來都大大地,你要比媽媽對眼更大呀知道嗎 咁就一定溝死女~~~哈哈 我地返左屋企喇~真係日日都唔同樣嫁~~ 依5日4晚2人成行團費盛為了$6xxxx 唔包車、唔包食、只包住 兼送你一大刀 暢遊景點: BB房 指定動作:去餵奶 離團前包上堂:如何抱B,換衫,沖涼…etc. 最終送你一大袋禮禮禮物 真係好大袋,有衫仔,片,水奶,沖涼液,cream~好多好多.唔記得了 世界有日頭同夜晚????要起身同訓覺??? 我只知道長期都光燦燦 同埋我長期都覺覺豬ZZzzZzzz 好難得見到我對眼,望多兩眼喇 長期都開左夜燈係因為大眼B已經習慣左係醫院有光既生活(醫院係唔會摸黑丫嘛) 返到屋企照開燈,比到佢安全感 而且好方便我地何時何刻都清楚望到佢既動作 而且係柔和既茶色,大家都好舒服 小朋友的小手真係好得意 仲好溫暖添,其實依加係寒冬黎嫁,仲要得幾日人仔 不過都唔洗著得多衫嫁,因為BB體溫比大人高 而且佢地既散熱系統未完善,唔識自行散熱 你焗住佢30度就係30度+佢自己體溫 會熱壞佢地既內臟,嚴重者係會失救而死亡 所以眼見2件衫就係2件了,而且一件都只係榜一榜住 如果真係怕BB凍…用披搭式披多一件就OK了 唔好包實呀..要通到風疏到氣,咁BB就會舒適唔扭計