我相信好多小學家長對STEM並唔陌生, 但係幼稚園家長就未必個個都聽過, 我就係其中一個知道係乜但唔知做乜ge家長 STEM 即係 Science (科學) Technology (科技) Engineering (工程) Mathematics (數學) 呢4個範疇溝埋一齊教 以上就係我上星期前對STEM ge了解, 即係0個D個個字都識讀但放埋一齊又唔知做乜ge家長 (而有關資訊係咁啱行過誠品見到本書個cover咁寫先知......) 我一路都以為, STEM呢D咁高層次ge野, 應該係小學3-4年班响學校先學, 但原來, 細到連3歲小朋友都可以玩ga~!!  上星期我地去咗 <科創夢想學院> 玩 (有D人會話試堂, 但我唔係咁覺得, 因為一D都唔似返學, 反而似玩多D) 對於學齡前ge 小朋友, STEM並唔係要你上完堂做到d乜乜機械人/機械臂出嚟, 而係希望小朋友可以透過STEM呢個教育模式, 學習到邏輯思維, 繼而應用到日常生活同埋學習過程!! 亦都係近年外國同埋政府大力推行ge一種教育模式, 同我地0個個年代死記爛背ge填鴨教育完全係兩回事!  雖然米豬好細個, 連2歲都未夠, 但其實以我同爸爸觀察, 呢個小寶寶每日所吸收我地有意 (教佢分顏色同埋形狀) 無意間 (講曳野, 例如見到人地跌咗野, 會花生mode咁 哎喲.... 遲早比人打鑊甘 -_-) 傳授比佢ge知識時, 其實算係轉數有點快 (OK我認我曲線讚我米豬有點小聰明)   負責人比咗一套叫Cubetto ge教具米豬玩 <-Cubetto 其實就係放一d向前後左右行ge指令積木落去motherboard度, 令到架車跟你指示行, 同米豬玩緊0個套加塊command strip落路軌就會著燈/鳴笛/停車ge邏輯差唔多 米豬初時都有d緊張, 因為始終又係陌生環境嘛~ 但導師謝sir超有耐性, 你未OK住? 咁揀d你鐘意ge野玩, 入面仲有積木, 同埋公仔, 觀察到米豬鐘意車車, 佢即刻反轉架車比佢睇, 呢度有碌碌ga~ 我地帶佢行街街~   車痴米一聽到係車車, 即刻衝埋去摸吓先~!   媽媽我就坐埋一邊, 睇佢點發揮喇~ 其實都係將積木對返啱d凹凸位砌上motherboard度, 一gum制架車就會跟住行g ma (媽媽角度), 但電腦人爸爸話比我知, 咁樣已經係programming!! WHAT???????????? 我個仔咁砌吓左砌吓右, 就寫緊(最BB班ge)程式? *0* 除咗Cubetto, 仲玩咗Lego, 呢個投擲器係上堂K3哥哥砌完冇放返好, 就比米豬拎咗嚟玩, 好快佢就知度呢個點玩... 力點支點重點, 又咁樣學咗.... (天呀我細個背咁多書做咩呀!! 砌lego咪得囉~!!) 除咗咁BB班ge STEM課程外, 我地都有睇其他高年班小朋友學ge野, 原來响呢度ge小學生, 已經應該識得駁電路開著盞燈.......    (我是零..... 我是零!!! 我中學仲要修物理ga親....) 大開眼界咗一個鐘之後, 我們這一家就走咗了, 返屋企都冇特別再搵返d STEM類ge野比米豬玩, 但原來唔覺唔覺, 佢都學咗小小, 佢將d mega block排埋一堆, 再指住架車嗌郁 -_- 你話係咪估佢唔到? 原來小朋友ge潛能, 係比我地想像中大, 從小接觸STEM唔單止可以令佢地邏輯思維發展得好d, 而且比起要佢死記爛背, 呢種打破傳統ge學習模式可能更加可以引起小朋友對學習ge熱誠呢~!!  我一路都講, 我唔需要米豬咩都第一, 唔駛入0個D要考100分ge學校, 學到咩知識只係其次, 我只希望佢未來日子可以愉快學習, 享受學習過程, 見佢响呢度玩得咁開心, 爸爸都話夠3歲就同佢嚟呢度再玩過~~  嚟緊聖誕節, <科創夢想學院> 會舉辦 聖誕STEAM體驗日, 希望可以响學校以外提供多一個平台比所有家長同小朋友(適合3-18歳)去接觸STEAM~ 大家有興趣可以click呢條link聯絡學院提供詳細資料啊~ https://bit.ly/2EywKx2   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/