最近買左呢款便攜輕食袋便，可以摺埋細細個，好輕身，帶出街幾方便，唔駛等阿姐山長水遠拎個飯盒嚟，再問你要唔要加個袋要收多5毫紙，為走塑出一分力!! 貪得意試下拍片，純個人試用分享，自己真金百銀買黎自用，無廣告成份!!XDDDD 產品介紹 - 容量大，好似個大湯碗咁 - 內層為TPU薄膠，好軟身，BPA Free, 耐熱達120度，可直接接觸食物 - 內層完全防水防漏，可放湯水或多汁食品，如冷麵，沙律等 - 透過捲動設計可隨意調教食物袋的大小 - 頂部為堅固膠扣手抽設計，可排在背囊手推車上，更易攜，不怕壓扁食物。 - 底部為圓形軟墊，具承托力 - 街市買餸可放海鮮鮮肉，不怕漏汁 (但避免貝殼蝦蟹或有尖骨，擔心吉穿) - 可放小朋友餐具 - 打包各式不同剩食 - 容易反出清洗內層，亦可放洗衣機洗