奶仔初體驗 - Combi Bedi high chair 係奶仔出世之前一直都有留意網上媽咪group / blog 推薦嬰兒餐椅high chair, 講到好似神器一樣! 居家必備.. 所以奶仔出世嘅時候就已經一早為佢準備好， 直至到而家.. 用咗個半月.. 我深深感受到佢嘅神奇之處.. 我而家用緊呢張係最新嘅Combi bedi high chair (手動版）， 最特別嘅地方係新加左安睡遮光罩，令bb日頭都唔會比陽光影響睡眠， 夜晚開燈又唔會直接望到光源!可以營造一個舒適的睡眠環境..對於好似奶仔呢啲敏感度高嘅BB係非常有用！ 特別鍾意佢啡色嘅車身！比我嘅感覺會比較襟污糟（師奶心態無得救..哈哈） 初出世啱啱係醫院接返屋企嘅時候我直接將BB放喺high chair ...上面放咗個初生墊.. 好似模仿媽媽的懷抱.. 有安全感bb 都會訓得甜d  依家大個仔啦就可以將佢拆返落嚟... 直接訓落椅到 \ .. Bb 坐上去之後，我都扣返實5點式安全扣，感覺會安全好多！ 而且我之前曾經睇過一位網上媽媽分享... 如果經常扣實安全扣，第日將來BB坐BB車嘅時候.. 對安全扣都唔會有太大嘅抗拒感,我都覺得有道理！因為呢啲小習慣都係真係需要從小培養...   high chair 另一個方便位就係有4個可以鎖得既靜音輪， 可以將bb 係屋企推黎推去，又唔會嘈醒bb，令bb 唔會離開自己嘅視線範圍。 因為有時候屋企人未必可以幫到手照顧BB而自己也有需要行開下，去洗手間或者煮飯嘅時候就好幫得手啦。 朋友嚟到我屋企嘅時候可以將BB放喺high chair 直接推出廳,方便佢哋睇BB（好似動物奇觀咁） 其實呢一張係餐椅，但係仔仔太細未用得著呢個功能，試過朋友嘅仔女嚟到就可以比佢哋坐用黎食飯 張餐椅可以較高度同埋BB坐嘅高道同斜度，可以遷就返食飯枱嘅高度又得 媽咪坐係地下餵食飯又得 得咗 （望見朋友既仔囡咁大個仔可以坐喺度食飯，心入邊好羨慕!好想bb都快d長大，唔駛只係食奶咁悶丫） 阿仔佢都好鍾意坐呢張凳，作為媽咪嘅我就會舒服好多，起碼唔使經常抱着（而家仔仔11磅，日日好似捧住個啞鈴咁） 尤其是佢扭眼瞓嘅時候，只需要一個奶嘴再加張凳，搖下搖下5分鐘到就好容易瞓得着..而家用慣左，自己娘家都放多一張high chair，方便bb兩邊走都有得訓!所以都推薦呢張combi Bedi high chair 比同我一樣既新手媽媽! 歡迎邀稿試用//參加活動: Email: Moseskwan0901@hotmail.com Facebook : 奶仔部落格 Instagram: Moses.dairy