今次想分享下我買左關於BLW/加固既用品! 1:餐墊/餐盤 相信睇到張圖都唔覺得陌生,因為呢個牌子都算係BLW幾多人用既一款黎！係我同C6行行下街見到Bearbear覺得好靚而買左!但我地錯了,買個陣完全無諗過張枱同張餐墊match 唔match到...用既時候要真係要睇實,一個唔該就成張反落地下.. 另一個買左就係呢個餐盤連蓋,佢個位都係大左少少而吸唔實張枱! 建議買之前真係要諗真d做多d功課先,如果唔係就好似我咁!或者其實係我張櫈唔適合用黎BLW,哈哈！因為張櫈係朋友送,我都唔想再浪費錢去買過張櫈! 2:餐枱/櫈 呢張jellymom係朋友送既,但近排搬屋我地就係IKEA買左張High Chair比茯柃!因為C6話買張high Chair平過買張食飯櫈黎比佢綁jellymom(無言) 3: 餐具 上年我地去日本旅行買左E字牌子既餐具,但用落發現好似唔係好岩,因為我買既係for右手用,但茯柃暫時慣用左手!所以之後我又....買過另一副餐具比佢喇,呢副餐具就無分左右手,茯柃用得都幾好!!(套右手既餐具希望有朝一日會用到) 4:食飯圍裙/圍兜 食飯圍裙我係淘寶買左兩款,一款係純粹風褸冼水料,後面兩條繩比你綁,因為佢連條繩都係同一質料,綁一個結會好易鬆,要打兩個結先得!食飯的話佢係OK既,但係如果食湯麵類就麻麻地喇! 另一款話係防水款,佢係兩隻手袖位同中間都多左層膠既,而後面就一粒鈕+一條繩既!呢件食飯食湯麵都無問題! 圍兜係C6係BB展買既,唔係話佢唔好用,但感覺帶出街又好似有少少阻位!對比起可以摺得既圍兜!咁買左我都會照帶出街用下既,哈哈!! 總結,買野之前真係要做足功課先,唔係就好似我咁傻下傻下買左!哈哈,無計啦,生一個係蠢3年嫁嘛XD ———————————————————— 想知道多D食譜,可以Like我地FB同Follow IG支持下.. FB 茯柃成長日記 : https://m.facebook.com/veronicadiary IG Follow : nica_chung YouTube：Veronica Diary     <br />