幼兒健康賀年菜式 – 黃金雙菇燴白玉 農曆新年有好多傳統好意頭既賀年菜式，但始終比較油膩，唯唯媽今日分享一個既簡單，又健康既幼兒賀年菜式 - 黃金雙茹燴白玉，零油，高蛋白質，等小朋友食住過一個健康既新年！   材料： 南瓜粒 半碗 粟米粒 2匙 珍珠筍 2條 (切粒) 雙色鴻喜菇 (白色，啡色) 各5-6條 淋豆腐 1/4 磚 豬肉碎 少許 (約2匙份量) 調味： 純大地魚粉 半茶匙 做法：(煮食時間: 20分鐘) 1. 豬肉碎用少許低鈉豉油、生粉、水醃10分鐘。 2. 鍋加入約3匙水，下豬肉碎推散。 3. 直至豬肉碎開始變白 4. 加入南瓜粒，珍珠筍粒，加少少水煮3-4分鐘(南瓜開始淋) 5.再加入豆腐、鴻喜菇和粟米粒，加入半茶匙大地魚粉，煮2-3分鐘菇淋即可！