吾經吾覺終於過左6個月。記得初初，小豬媽媽同大多數媽媽一樣好驚自己吾夠奶，又有好幾次因爲太辛苦，想放棄人奶之路，但系都一一撐過。我不斷上網搵方法令自己增奶，從湯水，按摩，飲食，生活，總之有機會增奶既方法都會去試。 頭一個月，家人既打擊「你吾夠奶」「喂奶粉啦」「佢吾飽」導致想喂奶粉。但係另一邊既壓力「奶粉吾好嫁」「喂多d就有奶」，搞到自己夾左系中間，真系好辛苦。心情低落到喊著睇精神科醫生，醫生都開解佢個大女係飲奶粉，都健康長大，所以放鬆心情，喂到就喂，吾得就奶粉，奶粉吾係罪人。經過半人奶半奶粉既一個月，又試過埋身，泵奶，奶粉。之後經過兩星期全埋身喂母乳，小豬BB就吾肯樽，變左半迫著自己全埋身喂人奶。一喂就喂到依家開始加固，都係另一關既開始。 我係尼個過程，得到好多吾同地方既建議。我覺得成個人奶過程，精神科醫生講過 第一係放鬆自己，盡力多埋身。第二係飲多D水！人奶有超過一半個水份，每日豬媽一有時間就飲水，每日都超過3L既清水，再加湯水。水份要比平時多一倍左右。每次，見到呀女既成長，佢既笑容真係再辛苦既頂硬上。 另外，爸爸們應該要支持媽媽既決定，盡力幫輕媽媽。因為每位媽媽都係經歷漫長既懷孕期，再一腳踩入鬼門關，用自己條命去生個小朋友出黎，所以係吾會想去害自己仔女。人奶有人奶既好，奶粉有奶粉既好。相信自己既能力同決定。各位媽媽們，加油！