最近細寶好夜都唔肯訓，半夜3，4點扭食奶！上網睇過資料可能係最近轉天氣比較乾燥，BB們身體未適應*特別係平時唔多肯飲水既BB  細寶中晒。好彩飲左2日情況真係有改善，呢款湯水平日都可以煲黎飲 詳細煲湯片  https://youtu.be/uUZ72iv0pzI 材料 :  •蘋果 3-4個 •雪耳 1.5朵 •蜜棗 4-5粒 •冰糖*可按口味加 因為細寶平時無調味，所以我無加   做法: 1 : 蘋果去芯去皮切一半，備用 2 :雪耳洗乾淨後浸水，備用 3 :預備2.5公升水，水滾後放雪耳，蜜棗 4 : 加蘋果 5:水滾後用中火煲一時時 6:可隨個人口味加入適量冰糖   小貼士 蘋果一定要去芯，否則會帶酸味。 蘋果可連皮煲，會更加有果香(需徹底去除表面蠟質) 最好蛇果。試過富士蘋果煲出黎會帶酸 蘋果雪耳滋陰潤肺，大人小朋友都適合。