????親親大自然，週末我哋又同Natalie去咗行山，今次行大埔滘自然護理區入面嘅四色林徑。 呢度交通都算方便，我地喺長沙灣廣場搭72號巴士????，大約45分鐘就到松仔園站。 落咗車，行幾步就會見到大埔滘自然護理區嘅入口 跟住行大約25分鐘上斜嘅路，就會到達林徑嘅起點。（20分鐘係四歲幾不常行山小朋友嘅步速，大人應該減半就得！） 林徑有四條路可以揀，我哋揀咗紅路，路程全長3km。雖然路牌顯示¾小時，但我哋行下停下，影吓相，食下小食，最後都行咗兩個鐘先完成???? 林徑嘅路都唔難行，上落斜幅度唔算高，而且一路都有樹陰，風景冇乜，不過唔熱唔曬，都幾舒服！   中途仲經過小石澗有小朋友嬉水。 另外，沿途仲有啲解說牌，講解植物、溪澗等相關資訊，亦會見到好多平時唔常見嘅植物同昆蟲，對小朋友來講都係一個幾好嘅體驗????????   行到終點，如果小朋友仲有力的話，可以睇埋大埔滘野外研習園！ 遲啲六月至八月呢度仲可以睇到螢火蟲，到時要黃昏時間再來一次。 交通： - 港鐵大埔墟站乘28K小巴或搭72 、72A、73A或74A到「松仔園」下車 - 乘的士在大埔滘自然護理區下車  - 駕駛人士可以喺松仔園花園周圍的車位泊車 喜歡我嘅分享嘅話，記住like同follow我個Facebook page呀 :)精采嘅分享陸續有來~ https://www.facebook.com/natalie.nathan.mum/ #親子活動 #行山 #輕鬆行 #親親大自然 #健康啲