正所謂女人唔補好易老⋯⋯得閒無聊總會整下甜品滋補下，有時益埋附近其他媽媽添～～早排煲左木瓜雪耳糖水同蕃薯糖水，自己食唔哂，不如煲大煲d分埋俾其他人，齊齊滋潤滋潤～～～但有d甜品淨係可以自私食，就好似蛋白燉椰皇，成本唔高但就量產囉～～襯住唔駛煮飯就整番次俾老公食，等佢白白滑滑先（明明最需要變白滑個個係我⋯⋯） 材料： 椰皇2個 蛋白4隻 鮮奶1盒（200ml) 糖 10g    做法： 1. 牛奶加糖再用細火煮，糖溶左就可以離火降溫備用 2. 切左椰皇個頂部個尖尖位    3. 反轉個椰皇係底部落刀，用菜刀個角位劈落去再撬一下，跟住跟住條裂痕轉再劈開佢～開到之後就倒出椰皇水備用    4. 將蛋白、椰皇水約180ml 攪拌，再加入凍左既奶攪拌，最後過隔篩隔走泡泡就可以倒入椰皇內      5. 用鍚紙封好椰皇拎去燉30分鍾熄火，再由佢焗20分鐘就搞掂喇    好滑喲～～～～      P.S.:  1. 牛奶一定要降溫先好倒入蛋白，唔係既話蛋白熟左就會失敗架喇 2. 為左防止個椰皇走佬，記得要墊毛巾係底先劈開佢 3. 甜度可應自己口味去調，今次係極少甜版～ 我家裕喬的PAGE, 媽媽盡量每日UPDATE喲~歡迎大家like and follow~~ 亦都歡迎大家聯絡我地合作及試用產品～ https://www.facebook.com/JacoYK/